అక్కినేని నాగచైత‌న్య ఇప్పుడు శేఖ‌ర్ క‌మ్ముల ద‌ర్శ‌క‌త్వంలో ల‌వ్‌స్టోరి సినిమా చేస్తోన్న సంగ‌తి తెలిసిందే. ఈ చిత్రం ఏప్రిల్‌లో విడుద‌ల‌వుతుంది. దీని త‌ర్వాత ప‌రుశురామ్ ద‌ర్శ‌క‌త్వంలో 14 రీల్స్ ప్ల‌స్ బ్యాన‌ర్‌పై సినిమా చేయ‌డానికి రెడీ అయిపోయాడు. సినిమాకు నాగేశ్వ‌ర‌రావు అనే టైటిల్ పెట్టారు. ప్రీ ప్రొడ‌క్ష‌న్ ప‌నులు కూడా దాదాపు పూర్త‌య్యాయి. అంతా ఓకే అనుకుంటోన్న త‌రుణంలో హీరో మ‌హేశ్ లైన్‌లోకి వ‌చ్చాడు. త‌ను ప‌రుశురాంతో సినిమా చేయాల‌నుకోవ‌డంతో అస‌లు స‌మ‌స్య మొద‌లైంది. మ‌హేశ్‌-వంశీ సినిమా ఆగిపోయింది. ఇప్పుడు ఈ ట్రాక్‌లో ప‌రుశురామ్ రావ‌డం చిన్న‌పాటి క‌న్‌ఫ్యూజ‌న్ మొద‌లైంది.

కానీ జ‌రుగుతున్న వ్య‌వ‌హారం చూస్తుంటే చైత‌న్య `నాగేశ్వ‌ర‌రావు`ను ప‌క్క‌న పెట్టేసిన‌ట్లే ఉన్నారు. ఆ స్థానంలో చైత‌న్య కొత్త ప్రాజెక్ట్‌ను మొద‌లెట్టారు. మ‌నం చిత్రాల ద‌ర్శ‌కుడు విక్ర‌మ్ కె.కుమార్ చైత‌న్య‌తో సినిమా చేయ‌బోతున్నాడ‌ట‌. దిల్‌రాజు ఈ చిత్రాన్ని నిర్మించ‌బోతున్నాడని సినీ వ‌ర్గాల్లో వార్త‌లు విన‌ప‌డుతున్నాయి. గ్యాంగ్ లీడ‌ర్ డిజాస్ట‌ర్ త‌ర్వాత విక్ర‌మ్ కుమార్ తెర‌కెక్కించ‌బోయే చిత్ర‌మిదే.