నితిన్ హీరోయిన్‌తో అఖిల్
- IndiaGlitz, [Friday,March 30 2018]
అక్కినేని మూడో త‌రం వార‌సుడిగా ఎంట్రీ ఇచ్చిన అఖిల్ అక్కినేని 'అఖిల్' ఫ‌లితంతో నిరాశకు లోనైనా త‌దుప‌రి చిత్రం 'హలోస న‌టుడిగా మంచి మార్కులే సంపాదించుకున్నాడు. ఇప్పుడు మూడో సినిమాగా 'తొలిప్రేమ' ఫేం వెంకీ అట్లూరి దర్శకత్వంలో అఖిల్ నటించబోతున్నాడు.
ఇటీవ‌ల లాంఛ‌నంగా ప్రారంభ‌మైన ఈ చిత్రం ప్రస్తుతం ప్రీ ప్రొడక్షన్ పనులు జరుపుకుంటుంది. త్వ‌ర‌లోనే సెట్స్‌కి వెళ్ల‌నుంది. అందులో భాగంగా హీరోయిన్‌గా మేఘా ఆకాశ్‌ను ఎంపిక చేశార‌ని స‌మాచారం. లై, ఛ‌ల్ మోహ‌న్‌రంగ సినిమాల్లో నటించిన మేఘా ఆకాశ్‌కు కూడా ఇది మూడో చిత్ర‌మే. ఈ చిత్రాన్ని బివిఎస్ఎన్ ప్ర‌సాద్ నిర్మిస్తున్నారు. త‌మ‌న్ సంగీతం అందిస్తున్నారు.