'అఖిల్' న్యూ రిలీజ్ డేట్
- IndiaGlitz, [Friday,October 16 2015]
అక్కినేని వంశం మూడోత‌రం నుంచి తెలుగు తెర‌కు ప‌రిచ‌యం అవుతున్న యువ సంచ‌ల‌నం అఖిల్. సంచ‌ల‌న దర్శకుడు వి.వి.వినాయ‌క్ దర్శకత్వంలో యువ హీరో నితిన్ అఖిల్ చిత్రాన్ని నిర్మించిన విష‌యం తెలిసిందే. అఖిల్ చిత్రాన్ని దసరా కానుకగా ఈనెల 22న రిలీజ్ చేయాల‌నుకున్నారు. కానీ..ఆఖ‌రి నిమిషంలో గ్రాఫిక్స్ వ‌ర్క్ అవ్వ‌లేదంటూ అఖిల్ సినిమాను వాయిదా వేసారు.
ఓ వైపు ప్ర‌మోష‌న్ కార్య‌క్ర‌మాలు జ‌రుగుతుండ‌డంతో అఖిల్ సినిమా వాయిదా ప‌డుతుంది అంటూ ప్ర‌చారం జ‌రిగినా ఫ్యాన్స్ ప‌ట్టించుకోలేదు. అయితే నిర్మాత నితిన్ గ్రాఫిక్స్ వ‌ర్క్ పూర్తికాక‌పోవ‌డంతో చెప్పిన డేట్ కి అఖిల్ మూవీ రిలీజ్ చేయ‌లేక‌పోతున్నాం క్ష‌మించండి అంటూ ట్వీట్ చేసాడు. దీంతో అభిమానులు ఒక్క‌సారిగా డ‌ల్ అయిపోయారు. అయితే తాజా స‌మాచారం ప్ర‌కారం అఖిల్ సినిమాని దీపావ‌ళి కానుకగా నవంబర్ 11న రిలీజ్ చేయ‌నున్నారు.