అక్కినేని వంశం నుంచి మూడోత‌రంలో వ‌స్తున్న మ‌రో వార‌సుడు అఖిల్. చైత‌న్య‌ను లాంఛ్ చేసిన‌ప్పుడు జ‌రిగిన‌ పొర‌పాట్లు మ‌ళ్లీ జ‌ర‌గ‌కుండా నాగార్జున‌ చాలా జాగ్ర‌త్త తీసుకుంటున్నాడు. అఖిల్ కి సంబంధించిన ఏ విష‌యం అయినా ఒక‌టికి రెండు సార్లు ఆలోచించి నిర్ణ‌యం తీసుకుంటున్నాడు. అయితే... అఖిల్ తొలి సినిమాకి సంబంధించి ఇప్ప‌టి వ‌ర‌కు జ‌రిగిన సినిమా ప్రారంభోత్స‌వం, అభిమానుల‌కు అఖిల్ ను ప‌రిచ‌యం చేసే కార్య‌క్ర‌మం ఇదంతా హైద‌రాబాద్ లోనే జ‌రిగింది.

అయితే ఇటీవ‌ల నాగ్ క‌ళ్యాణ్ జ్యూల‌రీ షోరూం కార్య‌క్ర‌మానికి విజ‌య‌వాడ వెళ్లిన‌ప్పుడు...అక్క‌డ అభిమానులంద‌రి నుంచి ఒక‌టే ప్ర‌శ్న‌. అఖిల్ ఎప్పుడు వ‌స్తున్నాడు...? వారంద‌రికీ నాగ్ స‌మాధానం అఖిల్ ఫైట్స్, డాన్స్ బాగా చేస్తున్నాడ‌ని చెబుతున్నారు. ఖ‌చ్చితంగా మిమ్మ‌ల్నింద‌ర్నీ క‌ల‌వ‌డానికి అఖిల్ విజ‌య‌వాడ‌కు వ‌స్తాడ‌ని చెప్పారు. సో...నాగ్ చెప్పారు కాబ‌ట్టి అఖిల్ ఆంధ్ర అభిమాల కోరిక మేర‌కు విజ‌య‌వాడ వెళ్ల‌డం ఖాయం. కాక‌పోతే ఎప్పుడ‌నేది ప్ర‌స్తుతానికి స‌స్పెన్స్.