అఖిల్ 3వ సినిమాకి గ్రీన్ సిగ్నల్..!
- IndiaGlitz, [Thursday,December 29 2016]
అక్కినేని అఖిల్ రెండ‌వ చిత్రాన్ని మ‌నం ఫేమ్ విక్ర‌మ్ కుమార్ దర్శకత్వంలో చేస్తున్న విష‌యం తెలిసిందే. ఈ చిత్రాన్ని అన్న‌పూర్ణ స్టూడియోస్ బ్యాన‌ర్ పై నాగార్జున నిర్మిస్తున్నారు. జ‌న‌వ‌రి 4 నుంచి రెగ్యుల‌ర్ షూటింగ్ ప్రారంభించ‌డానికి ప్లాన్ చేస్తున్నారు. ఇదిలా ఉంటే...అఖిల్ రెండ‌వ సినిమాతో పాటు 3వ సినిమాకి కూడా రంగం సిద్ధం చేస్తున్నారు.
స్టైలీష్ డైరెక్ట‌ర్ సురేంద‌ర్ రెడ్డి అఖిల్ తో సినిమా చేయ‌నున్న‌ట్టు ఎనౌన్స్ చేసారు. అయితే...అఖిల్ తో సురేంద‌ర్ రెడ్డి చేయ‌నున్న సినిమాని మెగా పవర్ స్టార్ రామ్ చరణ్ నిర్మించ‌నున్న‌ట్టు ప్ర‌చారం జ‌రుగుతుంది. కొణిదెల ప్రొడ‌క్ష‌న్ కంపెనీ బ్యాన‌ర్ పై రామ్ చరణ్ తొలిసారి నిర్మాత‌గా మారి ఖైదీ నెం 150 చిత్రాన్ని నిర్మిస్తున్నారు. ఈ సినిమా త‌ర్వాత ఇదే బ్యాన‌ర్ లో అఖిల్ - సురేంద‌ర్ రెడ్డి కాంబినేష‌న్లో రామ్ చరణ్ సినిమా నిర్మించేందుకు ప్లాన్ చేస్తున్నార‌ని, దీనికి నాగ్ కూడా గ్రీన్ సిగ్నల్ ఇచ్చార‌ని స‌మాచారం.