అఖిల్ మూవీ ఎక్స్ క్లూజీవ్ డీటైల్స్..!
- IndiaGlitz, [Saturday,August 13 2016]
అఖిల్ రెండో సినిమా గురించి గ‌త కొన్ని రోజులుగా ర‌క‌ర‌కాలుగా వార్త‌లు వ‌స్తున్న విష‌యం తెలిసిందే. కానీ...ఇప్ప‌టి వ‌ర‌కు క్లారిటీ లేదు. దీనికి కార‌ణం ఏమిటంటే...అఖిల్ రెండో సినిమాని వంశీ పైడిప‌ల్లి ద‌ర్శ‌కత్వంలో చేయ‌నున్న‌ట్టు వార్త‌లు వ‌చ్చాయి. కొన్ని కార‌ణాల వ‌ల‌న ఈ ప్రాజెక్ట్ సెట్స్ పైకి వెళ్ల‌లేదు. ఆత‌ర్వాత అందాల రాక్ష‌సి, కృష్ణ గాడి వీర ప్రేమ గాథ చిత్రాల ద‌ర్శ‌కుడు హ‌ను రాఘ‌వ‌పూడితో త‌న రెండో సినిమా అంటూ అఖిల్ స్వ‌యంగా ట్విట్ట‌ర్ ద్వారా తెలియ‌చేసారు. ఈ ప్రాజెక్ట్ సెట్స్ పైకి వెళుతుంది అనుకుంటున్న స‌మ‌యంలో క్యాన్సిల్ అయ్యింది.
ఇదిలా ఉంటే.... అఖిల్ రెండో సినిమా గురించి ఎక్స్ క్లూజీవ్ డీటైల్స్ ఏమిటంటే...అక్కినేని కుటుంబం మాత్ర‌మే కాకుండా తెలుగు సినిమా చ‌రిత్ర‌లో ఎప్ప‌టికీ మ‌ర‌చిపోలేని విధంగా మ‌నం చిత్రాన్ని అందించిన విక్ర‌మ్ కుమార్ ద‌ర్శ‌కత్వంలో అఖిల్ రెండో సినిమాను చేయ‌నున్నారు. ఇప్ప‌టికే విక్ర‌మ్ కుమార్ క‌థ చెప్ప‌డం...అఖిల్ & నాగ్ గ్రీన్ సిగ్న‌ల్ ఇవ్వ‌డం జరిగింది. ఇక ఈసారి అఖిల్ మూవీ గురించి కింగ్ నాగార్జున ఎనౌన్స్ చేయ‌నున్నార‌ని స‌మాచారం. అది కూడా అభిమానుల‌కు పండ‌గ రోజైన నాగార్జున పుట్టిన‌రోజున (ఈ నెల 29న) అఖిల్ రెండో సినిమాని నాగ్ ప్ర‌క‌టించ‌నున్నారు.