'మిస్ట‌ర్ మ‌జ్ను' వాయిదా?
- IndiaGlitz, [Tuesday,October 09 2018]
అఖిల్ మూడో సినిమా 'మిస్ట‌ర్ మ‌జ్ను'. 'తొలిప్రేమ' ఫేమ్ వెంకీ అట్లూరి దర్శకత్వంలో బివిఎస్ఎన్‌.ప్ర‌సాద్ ఈ చిత్రాన్ని నిర్మాణంలో రూపొందుతోంది. ఈ సినిమాను లండ‌న్‌లో 45 రోజుల పాటు చిత్రీక‌రించారు. ప్ర‌స్తుతం హైద‌రాబాద్‌లో చిత్రీక‌ర‌ణ జ‌రుగుతుంది. ప్లే బాయ్ క్యారెక్ట‌ర్‌లో అఖిల్ అక్కినేని న‌టిస్తున్నారు.
ఈ సినిమాను అక్కినేని ల‌క్కీ మంత్ డిసెంబ‌ర్‌లో... డిసెంబ‌ర్ 21న విడుదల చేయాల‌నుకున్నారు. కానీ అదే రోజున వ‌రుణ్ తేజ్ 'అంత‌రిక్షం', శ‌ర్వానంద్ 'ప‌డి ప‌డి లేచె మ‌న‌సు' సినిమాలు విడుద‌ల‌వుతున్నాయి. దీంతో పాటు కొన్ని అనువాద చిత్రాలు కూడా లైన్‌లో ఉండ‌టంతో మిస్ట‌ర్ మ‌జ్నుని ఫిబ్ర‌వ‌రి 14న విడుదల చేయాల‌ని ప్లాన్ చేస్తున్నార‌ట. త్వ‌ర‌లోనే ఈ సినిమా విడుదల తేదీపై ఓ క్లారిటీ రానుంది.