విక్రమ్ కె కుమార్ దర్శకత్వంలో అఖిల్ అక్కినేని హీరోగా తెరకెక్కిన చిత్రం 'హలో'. కల్యాణి ప్రియదర్శ‌న్ హీరోయిన్. రమ్యకృష్ణ, జగపతిబాబు, అజయ్ ముఖ్య పాత్రలు పోషించారు. అన్నపూర్ణ స్టూడియోస్ పతాకంపై నాగార్జున నిర్మించారు. అనూప్ రూబెన్స్ మ్యూజిక్ డైరెక్టర్. రీసెంటుగా విడుదలైన ట్రైల‌ర్‌కి మంచి స్పందన వచ్చింది.

అలాగే రెండు రోజుల క్రితం విడుదలైన పాట కూడా ఈ చిత్రంపై అంచనాలను పెంచేసింది. ప్రస్తుతం ఈ సినిమా షూటింగుని పూర్తి చేసుకుంది. ఈ విషయాన్ని అఖిల్ తన ట్విట్టర్ ద్వారా తెలియజేసారు. అలాగే.. " 'హలో' సినిమా షూటింగ్ కంప్లీట్ అయింది. ఇక విడుదలకు ముస్తాబ‌వుతోంది. నా లైఫ్‌లో ఇదొక మంచి అనుభవం.

ఈ సినిమాలో పనిచేసిన అందరికి కృతజ్ఞతలు. ప్రేమాభివందనములు" అని ట్వీట్ చేసారు. చిన్నప్పుడు విడిపోయిన తన సోల్ మేట్ ని ఒక అబ్బాయి ఎలా కలుసుకున్నాడు అన్నదే చిత్ర కథ. ఈ సినిమా ఆడియో ఫంక్షన్ డిసెంబర్ 10న వైజాగ్ లో జరుగనుంది. అలాగే ఈ మూవీని డిసెంబర్ 22న ప్రేక్షకుల ముందుకు తీసుకురానున్నారు.