అఖిల్ తో హను రాఘవపూడి...ఉన్నట్టా..లేనట్టా...?
- IndiaGlitz, [Friday,August 05 2016]
అఖిల్ అక్కినేని హీరోగా చేసిన తొలి చిత్రం అఖిల్ ఆశించిన ఫలితాన్ని ఇవ్వ‌లేక‌పోయింది. దాంతో అఖిల్ నిరాశ‌ప‌డ్డ మాట వాస్త‌వ‌మే. అయితే త‌న రెండో సినిమాకు చాలా గ్యాప్ తీసుకున్న అఖిల్ ఎవ‌రితో చేస్తాడా అని అనుకుంటుండ‌గా, తాజా స‌మాచారం ప్ర‌కారం అందాల‌రాక్షసి, కృష్ణ‌గాడి వీర ప్రేమ‌గాథ చిత్రాల ద‌ర్శ‌కుడు హ‌నురాఘ‌వ‌పూడితో సినిమా చేస్తున్న‌ట్లు స్క్రిప్ట్ వ‌ర్క్ కూడా పూర్త‌యిన‌ట్టు అఖిల్, హ‌నులు చెప్పుకొచ్చారు. అయితే ఈ సినిమా సెట్స్ కెళ్ళ‌డానికి మాత్రం చిన్న చిక్కొచ్చి ప‌డింది.
అదేంటంటే నిర్మాత‌ల విష‌యంలోన‌ని వార్త‌లు విన‌ప‌డుతున్నాయి. హను రాఘవపూడి ఈ సినిమాను 14 రీల్స్ బ్యాన‌ర్‌లో చేయాల‌నుకుంటుంటే, అఖిల్ మాత్రం ఈ సినిమాను సితార ఎంట‌ర్ టైన్మెంట్స్ బ్యాన‌ర్ లో చేయాల‌నుకుంటున్నాడ‌ని అక్క‌డ చిన్న సంఘ‌ర్ష‌ణ వ‌చ్చింద‌ని ఇండ‌స్ట్రీ వ‌ర్గాల్లో వార్త‌లు విన‌ప‌డుతున్నాయి. మ‌రి ఈ సమ‌స్య ప‌రిష్కార‌మ‌వుతుందా? లేదా అని తెలియాలంటే వెయిట్ చేయాల్సిందే...