అఖిల్ సినిమా పై క్లారిటీ వచ్చేసింది...
- IndiaGlitz, [Tuesday,May 17 2016]
అక్కినేని అఖిల్ రెండో సినిమాని వంశీ పైడిప‌ల్లి ద‌ర్శ‌క‌త్వంలో చేయ‌నున్న‌ట్టు గ‌త కొన్ని రోజులుగా వార్త‌లు వ‌స్తున్న విష‌యం తెలిసిందే. అయితే..బ‌డ్జెట్ ఎక్కువ అవుతుండ‌డం వ‌ల‌న అఖిల్ - వంశీ ప్రాజెక్ట్ క్యాన్సిల్ అయ్యింది అంటూ వార్త‌లు వ‌చ్చాయి. ఆత‌ర్వాత అఖిల్ బాలీవుడ్ మూవీ ఏ జ‌వానీ హే దివానీ రీమేక్ చేయాల‌నుకుంటున్నాడు. అయితే..ఊపిరి త‌ర్వాత మ‌ళ్లీ రీమేక్ మూవీ చేయ‌డం ఇష్టం లేదంటూ వంశీ ఈ ప్రాజెక్ట్ నుంచి త‌ప్పుకున్నాడు అంటూ మరో వార్త ప్ర‌చారంలోకి వ‌చ్చింది. ఈ వార్త‌ల పై అఖిల్ స్పందిస్తూ...ఈ వార్త‌ల్లో వాస్త‌వం లేదు. వాస్త‌వాలు తెలుసుకోకుండా ఎలా వార్త‌లు రాస్తారంటూ ఆ వార్త‌లు రాసిన వెబ్ సైట్స్ పై ఫైర్ అయ్యాడు అఖిల్.
ఇదిలా ఉంటే....తాజాగా అఖిల్ త‌న రెండో సినిమా గురించి మీడియాతో మాట్లాడుతూ...వంశీతో వ‌ర్క్ చేయాల‌నుకుంటున్నాను. రీమేక్ అయినా...కొత్త క‌థ‌తో అయినా స‌రే వంశీతో సినిమా చేయ‌డానికి నేను రెడీ. జులై నెలాఖ‌రుకు ఈ సినిమా పై క్లారిటీ వ‌స్తుంది. ఖ‌చ్చితంగా వంశీతో చేసే సినిమా ఏ జ‌వానీ హే దివానీ రీమేక్ కాదు అంటూ క్లారిటీ ఇచ్చేసాడు అఖిల్.