'Akhil' Audio Launch @ Dallas Gallery

మహానటుడు అక్కినేని మనవడు, కింగ్‌ నాగార్జున తనయుడు అఖిల్‌ అక్కినేని ని హీరోగా పరిచయం చేస్తూ సెన్సేషనల్‌ డైరెక్టర్‌ వి.వి.వినాయక్‌ దర్శకత్వంలో శ్రేష్ఠ్‌ మూవీస్‌ పతాకంపై నిఖితారెడ్డి సమర్పణలో యూత్‌స్టార్‌ నితిన్‌ నిర్మిస్తున్న భారీ చిత్రం 'అఖిల్‌'. ఈ చిత్రం ఆడియో ఇటీవల విడుదలైన విషయం తెలిసిందే.

సెప్టెంబర్‌ 25 నుంచి అమెరికాలోని మూడు ప్రాంతాల్లో 'అఖిల్‌' ఆడియో రిలీజ్‌ ఫంక్షన్స్‌ను నిర్వహిస్తున్నారు. ఇందులో భాగంగా రెండో రోజు డల్లాస్‌లో ఎంతో మంది అభిమానులు, ప్రముఖులు, చిత్ర యూనిట్‌ సభ్యుల మధ్య ఆడియో రిలీజ్‌ ఎంతో సందడిగా జరిగింది. ఈ కార్యక్రమంలో అఖిల్‌ అక్కినేని, సంగీత దర్శకుడు అనూప్‌ రూబెన్స్‌, నిర్మాత ఎన్‌.సుధాకర్‌రెడ్డి, రచయిత కృష్ణచైతన్యలతోపాటు పలువురు ప్రముఖులు పాల్గొన్నారు. ప్రస్తుతం పోస్ట్‌ ప్రొడక్షన్‌ వర్క్‌ జరుపుకుంటున్న ఈ చిత్రాన్ని విజయదశమి కానుకగా అక్టోబర్‌ 22న వరల్డ్‌వైడ్‌గా చిత్రాన్ని రిలీజ్‌ చెయ్యడానికి నిర్మాత నితిన్‌ సన్నాహాలు చేస్తున్నారు.