అఖిల్ - నితిన్...ఈ ఇద్ద‌రూ మంచి ఫ్రెండ్స్ అనే విష‌యం తెలిసిందే. అఖిల్ రెండో సినిమాను మ‌నం ఫేమ్ విక్ర‌మ్ కుమార్ ద‌ర్శ‌క‌త్వంలో చేయ‌నున్నాడు. ఈ చిత్రాన్ని అన్న‌పూర్ణ స్టూడియోస్ బ్యాన‌ర్ లో అక్కినేని నాగార్జున నిర్మిస్తున్నారు. ఈ చిత్రం పూజా కార్య‌క్ర‌మాల‌ను డిసెంబ‌ర్ లో ప్రారంభించి రెగ్యుల‌ర్ షూటింగ్ ను జ‌న‌వ‌రి నుంచి స్టార్ట్ చేయ‌డానికి ప్లాన్ చేస్తున్నారు.

ఈ మూవీలో అఖిల్ స‌ర‌స‌న హీరోయిన్ గా కొత్త అమ్మాయితే బాగుంటుంది అని విక్ర‌మ్ కుమార్ ఆలోచ‌న‌. త‌మిళ్ లో ధ‌నుష్ స‌ర‌స‌న న‌టిస్తున్న మేఘ ఆకాష్ అయితే అఖిల్ స‌ర‌స‌న బాగుంటుంది అని ఆమెను సెలెక్ట్ చేయ‌నున్న‌ట్టు తెలిసింది. మ‌రో వైపు నితిన్ కూడా హ‌ను రాఘ‌వ‌పూడి ద‌ర్శ‌కత్వంలో రూపొందే చిత్రంలో మేఘ ఆకాష్ ను సెలెక్ట్ చేసిన‌ట్టు స‌మాచారం. ఇదే క‌నుక నిజ‌మైతే....అఖిల్ - నితిన్ ఈ ప్రెండ్స్ ఇద్ద‌రూ ఒకే హీరోయిన్ తో న‌టిస్తుండ‌డం విశేషం..!