మోస్ట్ ఎలిజిబుల్ బ్యాచిలర్ : 50 కోట్ల క్లబ్‌లోకి అఖిల్.. వరల్డ్ వైడ్‌గా కుమ్మేస్తోన్న వసూళ్లు
- IndiaGlitz, [Tuesday,November 02 2021]
ఒక్క విజయం కోసం కళ్లు కాయలు కాచేలా ఎదురుచూస్తున్న అక్కినేని వారసుడు అఖిల్‌కు ఆ కరువు తీర్చేశాడు బొమ్మరిల్లు భాస్కర్. అఖిల్ , పూజా హెగ్డే జంటగా భాస్కర్ తెరకెక్కించిన ‘మోస్ట్ ఎలిజిబుల్ బ్యాచ్‌లర్’. భారీ అంచనాలతో దసరాకు విడుదలైన ఈ సినిమాకు మంచి టాక్ వచ్చింది. లాక్‌డౌన్ ఎత్తివేత, కరోనా ఆంక్షల సడలింపుల మధ్య ఇప్పుడిప్పుడే థియేటర్లు ఓపెన్ అవుతున్న సమయంలో జనాన్ని బాగా ఆకట్టుకుంటోంది మోస్ట్ ఎలిజబుల్ బ్యాచిలర్.
యూత్‌కి బాగా కనెక్ట్ అవ్వడంతో కేవలం 5 రోజుల్లోనే ఈ సినిమా 100 శాతం రికవరీ వెనక్కి తెచ్చేసిందని ట్రేడ్ వర్గాలు అంటున్నాయి. అక్టోబర్ 31వ తేదీ నాటికి 16 రోజు కూడా రూ. 8 లక్షలకు పైగా షేర్ వసూలు చేసింది ఈ చిత్రం. ఇప్పటికీ చాలా చోట్ల వసూళ్లు బాగానే వస్తున్నాయి. మధ్యలో విడుదలైన మహా సముద్రం, పెళ్లి సందడి వంటి సినిమాలు పోటీ ఇవ్వకపోవడంతో ‘మోస్ట్ ఎలిజిబుల్ బ్యాచ్‌లర్’ దుమ్మురేపుతోంది. మొత్తం మీద ప్రపంచవ్యాప్తంగా ఈ సినిమా రూ.50 కోట్ల గ్రాస్ వసూళ్లు సాధించినట్లుగా తెలుస్తోంది. ఈ విజయాన్ని అఖిల్ కంటే కూడా ఎక్కువగా ఆయన తండ్రి నాగార్జున ఎంజాయ్ చేస్తున్నాడు.