అఖిల్ మూవీ ఓపెనింగ్ డేట్ ఫిక్స్..!
- IndiaGlitz, [Thursday,January 05 2017]
అక్కినేని అఖిల్ మ‌నం ఫేమ్ విక్ర‌మ్ కుమార్ దర్శకత్వంలో సినిమా చేస్తున్న విష‌యం తెలిసిందే. ఈ చిత్రాన్ని అన్న‌పూర్ణ స్టూడియోస్ బ్యాన‌ర్ పై అక్కినేని నాగార్జున నిర్మిస్తున్నారు. నాగ్ ఈ సినిమాను ఎనౌన్స్ చేసిన‌ప్ప‌టి నుంచి ఎప్పుడు ప్రారంభిస్తారా అని అభిమానులు ఎంతో ఆస‌క్తిగా ఎదురు చూసారు. ఇక ఈ చిత్రం ప్రారంభోత్స‌వానికి ముహుర్తం ఫిక్స్ చేసార‌ని తెలిసింది. సంక్రాంతి సంద‌ర్భంగా ఈ చిత్రాన్ని ఈనెల 14న ప్రారంభించేందుకు ప్లాన్ చేస్తున్నార‌ని సమాచారం.
ఈ చిత్రంలో అఖిల్ స‌ర‌స‌న మేఘ ఆకాష్ న‌టిస్తుంది. విభిన్న క‌థా చిత్రాల ద‌ర్శ‌కుడు విక్ర‌మ్ కుమార్ అఖిల్ కోసం ఓ డిఫ‌రెంట్ స్టోరీ రెడీ చేసాడు. ఈ స్టోరీకి తగ్గట్టు క్యాచీ టైటిల్ ను కూడా విక్ర‌మ్ కుమార్ ఫైన‌ల్ చేసార‌ట. త్వ‌ర‌లోనే టైటిల్ ఎనౌన్స్ చేస్తారు అని సమాచారం. తొలి చిత్రంతో నిరాశప‌రిచిన అఖిల్ ఈ మూవీతో అంద‌రి అంచ‌నాల‌కు తగ్గట్టు సంచ‌ల‌న విజ‌యం సాధిస్తాడ‌ని ఆశిద్దాం..!