ర‌క్ష చిత్రంతో ద‌ర్శ‌కుడిగా ప‌రిచ‌య‌మైన వంశీకృష్ణ ఆకెళ్ల తెర‌కెక్కించిన తాజా చిత్రం జ‌క్క‌న్న‌. సునీల్ హీరోగా వంశీకృష్ణ ఆకెళ్ల ద‌ర్శ‌క‌త్వంలో రూపొందిన జ‌క్క‌న్న ఇటీవ‌ల రిలీజై విజ‌య‌వంతంగా ప్ర‌ద‌ర్శింప‌బ‌డుతోంది. టాక్ తో సంబంధం లేకుండా జ‌క్క‌న్న‌ మంచి క‌లెక్ష‌న్స్ తో ర‌న్ అవుతుంది.

ఈ సంద‌ర్భంగా జ‌క్క‌న్న ద‌ర్శ‌కుడు వంశీకృష్ణ ఆకెళ్ల మాట్లాడుతూ... జ‌క్క‌న్న యావ‌రేజ్ టాక్ తో స్టార్ట్ అయి ఇప్పుడు సూప‌ర్ హిట్ దిశ‌గా ప‌రుగులు తీస్తుంది. సోమ‌వారం క‌లెక్ష‌న్స్ ను బ‌ట్టి సినిమా రిజ‌ల్ట్ ఏమిటి అనేది తెలుస్తుంది అంటారు. సోమవారం కూడా మా సినిమా అన్నిచోట్లా హౌస్ ఫుల్స్ అయ్యింది. దీనిని బ‌ట్టి అర్ధం చేసుకోవ‌చ్చు మా సినిమాకి ప్రేక్ష‌కుల నుంచి ఎలాంటి స్పంద‌న ల‌భిస్తుందో.

క‌లెక్ష‌న్స్ గురించి చెప్పాలంటే...ఇప్ప‌టి వ‌ర‌కు జ‌క్క‌న్న 9 కోట్లు షేర్ వ‌సూలు చేసింది. ఇది సునీల్ కెరీర్ లో ఆల్ టైమ్ రికార్డ్. ఏ సెంట‌ర్స్ లో బాగుంది అంటుంటే...బి, సి సెంట‌ర్స్ లో ప్రేక్ష‌కులు జ‌క్క‌న్న‌కు బ్ర‌హ్మ‌ర‌ధం ప‌డుతున్నారు. జ‌క్క‌న్న సినిమాని కొన్న బ‌య్య‌ర్స్ అంద‌రూ సేఫ్ అవ్వ‌డం చాలా ఆనందంగా ఉంది. ఫ‌స్ట్ నుంచి సినిమా పై మాకు న‌మ్మ‌కం ఉంది. రిలీజ్ రోజు కాస్త డివైడ్ టాక్ వ‌చ్చిన మాట వాస్త‌వం. అయితే...ఈ డివైడ్ టాక్ కూడా వ‌స్తుంద‌ని అనుకోలేదు. ఫైన‌ల్ గా ఆడియోన్స్ మా జ‌క్క‌న్న‌కు మంచి క‌లెక్ష‌న్స్ అందిస్తుండ‌డంతో చాలా హ్యాపీగా ఉంది. జ‌క్క‌న్న ఆడియో ఫంక్ష‌న్ కి వ‌చ్చి మాకు ఎన‌ర్జిని ఇచ్చిన మెగాస్టార్ చిరంజీవి గార్కి, నా కెరీర్ కి ఉప‌యోగ‌ప‌డేలా స‌క్సెస్ ఫుల్ మూవీ ఇచ్చిన సునీల్ కు, చిత్ర నిర్మాత సుద‌ర్శ‌న్ కు థ్యాంక్స్ తెలియ‌చేస్తున్నాను. నెక్ట్స్ రెండు ప్రాజెక్ట్ లు గురించి చ‌ర్చ‌లు జ‌రుగుతున్నాయి. త్వ‌ర‌లోనే పూర్తి వివ‌రాలు తెలియ‌చేస్తాను అన్నారు.