தல அஜித் நடித்து வரும் 'விவேகம்' படத்தின் இறுதிக்கட்ட படப்பிடிப்பு பல்கேரியாவில் நடைபெற்று வருகிறது. இந்த படப்பிடிப்பு இன்னும் ஒருசில நாட்களில் முடிந்து படக்குழுவினர் சென்னை திரும்ப உள்ளனர். மேலும் சென்னையில் ஒரு குழு இந்த படத்தின் டீசரை தயாரிக்கும் பணியில் தீவிரமாக ஈடுபட்டுள்ளது.

இந்த நிலையில் நேற்று நள்ளிரவு அஜித் ரசிகர்களுக்கு ஒரு சர்ப்ரைஸாக 'விவேகம்' படத்தின் புதிய ஸ்டில் ஒன்று வெளியாகி அஜித் ரசிகர்களை உற்சாகத்தின் எல்லைக்கே கொண்டு சென்றது. இயக்குனர் சிறுத்தை சிவாவின் அதிகாரபூர்வ சமூக வலைத்தள பக்கத்தில் வெளியான இந்த ஸ்டில், சில நிமிடங்களில் டிரெண்ட் ஆகி, தற்போது வரை வைரலாகி வருகிறது.

அஜித் இந்த புதிய ஸ்டில்லில் கையில் ஒரு ஆயுதத்துடன் ஸ்டைலாக நிற்கும் வகையில் உள்ளது. இந்த ஒரே ஒரு ஸ்டில்லுக்கு ஆயிரக்கணக்கில் லைக்குகள், ரீடுவிட்டுக்கள் கிடைத்துள்ளது என்பது குறிப்பிடத்தக்கது.

அஜித், காஜல் அகர்வால், அக்சராஹாசன், விவேக் ஓபராய் உள்ளிட்ட பலர் நடித்து வரும் இந்த படத்தை சத்யஜோதி பிலிம்ஸ் நிறுவனம் பிரமாண்டமாக தயாரித்து வருகிறது. அனிருத் இந்த படத்திற்கு இசையமைத்து வருகிறார்.