பிரமாண்டமாக தயாராகி வரும் அஜித்தின் கனவு இல்லம்
- IndiaGlitz, [Tuesday,December 04 2018]
தல அஜித்தின் நீண்ட நாள் கனவுகளில் ஒன்று ஈசிஆர் பகுதியில் ஒரு சொகுசு பங்களா கட்ட வேண்டும் என்பதுதான். இதற்கான பணிகளை கடந்த சில மாதங்களுக்கு முன் ஆரம்பித்த அஜித், தற்போது அந்த பங்களாவை கட்டி முடிக்கும் நிலையில் உள்ளாராம்.
இந்த பங்களாவில் டப்பிங் ஸ்டுடியோ, மினி டிஜிட்டல் தியேட்டர், மற்றும் போஸ்ட் புரடொக்சன்ஸ் பணிகளுக்கு தேவையான அனைத்து வசதிகளும் உள்ளதாம். எனவே இனிமேல் தல அஜித் படப்பிடிப்புக்கு மட்டுமே வெளியே செல்வார் என்றும் டப்பிங் உள்பட மற்ற அனைத்து பணிகளும் அவரது பங்களாவிலேயே நடைபெறும் என்றும் எதிர்பார்க்கப்படுகிறது.
மேலும் இந்த வீட்டில் குழந்தைகள் விளையாடுவதற்கு என ஒரு தனி செக்சனே உள்ளதாம். பல நவீன வசதிகள் கொண்ட இந்த பங்களாவிற்கு அஜித் குடும்பம் விரைவில் குடியேறப்போவதாக கூறப்படுகிறது.