ரஷ்யாவில் அஜித் செய்யவிருக்கும் சாதனை: 'வலிமை' முடிந்தபின்னரும் திரும்பாததற்கு இதுதான் காரணம்!
- IndiaGlitz, [Friday,September 03 2021]
தல அஜித் அவர்கள் கடந்த சில நாட்களுக்கு முன்னர் ‘வலிமை’ படத்தின் இறுதி கட்ட படப்பிடிப்பிற்காக ரஷ்யா சென்றார் என்றும் அங்கு சில ஆக்ஷன் காட்சிகள் மற்றும் சேஸிங் காட்சிகள் படமாக்கப்பட்டதாகவும் தகவல்கள் வெளியானது.
இந்த நிலையில் நேற்று முன்தினம் ‘வலிமை’ படப்பிடிப்பு முடிவடைந்ததை அடுத்து படக்குழுவினர் அனைவரும் சென்னை திரும்பி விட்ட நிலையில் அஜீத் மட்டும் இன்னும் ரஷ்யாவில் தங்கியிருப்பதாக தகவல் வெளிவந்துள்ளது.
தற்போது ரஷ்யாவில் தங்கியிருக்கும் அஜித், அங்கும் தனது பைக் பயணத்தை தொடர உள்ளதாக செய்திகள் வெளியாகியுள்ளது. இதற்காக ரஷ்யாவில் ஏற்கனவே பைக் பயணம் செய்தவர்களிடம் அவர் ஆலோசனை கேட்டு வருவதாகவும் விரைவில் அவர் ரஷ்யாவில் 5000 கிலோமீட்டர் பயணம் செய்ய திட்டமிட்டு இருப்பதாகவும் அதுமட்டுமின்றி விரைவில் உலகை பைக்கில் சுற்றிவரவுள்ளதாகவும் தகவல்கள் வெளியாகி உள்ளன. இந்திய நடிகர் ஒருவர் 5000 கிலோமீட்டர் பைக் பயணம் செய்யப்போகும் சாதனையை அவரது ரசிகர்கள் பாராட்டி போற்றி வருகின்றனர் என்பது குறிப்பிடத்தக்கது.
அஜித் ஏற்கனவே சமீபத்தில் சிக்கிம் மாநிலம் வரை சுமார் 10,000 கிலோ மீட்டர் பைக்கில் பயணம் செய்தார் என்பதும் இதுகுறித்த புகைப்படங்கள் வைரல் ஆனது என்பதும் தெரிந்ததே.