ஆஸ்திரேலியாவில் அஜித்தின் 'தக்ஷா' டீம் சாதனை படைக்குமா?
- IndiaGlitz, [Thursday,September 06 2018]
சென்னை அண்ணா பல்கலைக்கழகத்தை சேர்ந்த தக்ஷா என்ற டிரோன் குழுவிற்கு அஜித் ஆலோசகராக இருந்தார் என்பதும் இந்த டீம் இந்திய அளவில் நடைபெற்ற கல்லூரிகளுக்கான டிரோன் போட்டியில் முதலிடம் பெற்றது என்பதும் தெரிந்ததே.
இந்த நிலையில் டிரோன் ஒலிம்பிக் என்ற போட்டிக்கு தற்போது உலக அளவில் மொத்தம் 13 டீம்கள் தேர்வு செய்யப்பட்டுள்ளது. இந்த டீம்களில் ஒன்றாக இந்தியாவில் இருந்து அஜித்தின் 'தக்ஷா' டீம் தேர்வு பெற்றுள்ளது. அஜித்துடன் இந்த டீம், தற்போது டிரோன் ஒலிம்பிக் போட்டியில் கலந்து கொள்ள ஆஸ்திரேலியா சென்றுள்ளது.
இந்த போட்டிக்கு ஆஸ்திரேலியா, போலந்து நாடுகளில் இருந்து மூன்று டீம்களும், தாய்லாந்தில் இருந்து இரண்டு டீம்களூம், நெதர்லாந்து, கனடா, இந்தியா, பாகிஸ்தான் மற்றும் சீனாவில் இருந்து ஒரு டீமும் கலந்து கொள்ள தேர்வாகியுள்ளது. இந்தியாவில் இருந்து கலந்து கொள்ளும் டீமுக்கு அஜித் ஆலோசகராக இருப்பது அவருடைய ரசிகர்களுக்கு பெருமைய தரும் என்பதில் சந்தேகம் இல்லை. அஜித்தின் டீம் டிரோன் ஒலிம்பிக்கில் வெற்றி பெற்று சர்வதேச அளவில் புகழ் பெற நமது அட்வான்ஸ் வாழ்த்துக்கள்