சூப்பர் ஸ்டார் ரஜினிகாந்த் நடித்த வெற்றிப் படங்களில் ஒன்றான ’பில்லா’ படத்தின் ரீமேக் படமான ’பில்லா’ மற்றும் ’ஆரம்பம்’ ஆகிய இரண்டு அஜித் படங்களை இயக்கியவர் இயக்குனர் விஷ்ணுவர்த்தன் என்பது தெரிந்ததே. இந்த நிலையில் விஷ்ணுவர்தன் தற்போது ஹிந்தியில் ’Shershaah’ என்ற படத்தை இயக்க உள்ளார். இந்த படம் கேப்டன் விக்ரம்பாத்ரா அவர்களின் வாழ்க்கை வரலாறு திரைப்படம் என்பது குறிப்பிடத்தக்கது.

இந்த நிலையில் பாலிவுட்டில் முதல் முதலாக காலடி எடுத்து வைக்கும் இயக்குனர் விஷ்ணுவர்தனுக்கு தல அஜித் வாழ்த்து தெரிவித்துள்ளார். இதுகுறித்து விஷ்ணுவர்தன் கூறியபோது ’நான் பாலிவுட்டில் முதல் முதலாக ஒரு படத்தை இயக்க இருக்கின்றேன் என்ற தகவல் தெரிந்ததும், அஜித் அவர்கள் எனக்கு போன் செய்து ’ஹிந்திக்கு நீங்கள் செல்வது கொஞ்சம் காலதாமதம் என்றாலும் இது நல்ல விஷயம் என்றும் உங்களுக்கு அடுத்தடுத்து வெற்றி கிடைக்க எனது வாழ்த்துக்கள் என்று கூறியதாகவும் தெரிவித்துள்ளார்.

மேலும் தல அஜித்துடன் தனக்கு இருக்கும் நட்பு என்றென்றும் நீடிக்கும் என்றும் அவர் மீது தனக்கு மிகப்பெரிய மரியாதை உள்ளது என்றும் விஷ்ணுவர்தன் தெரிவித்துள்ளார். ஏற்கனவே விஷ்ணுவர்த்தன் இயக்கத்தில் ராஜராஜ சோழன் கதை அம்சம் கொண்ட ஒரு படத்தில் அஜீத் நடிக்க இருப்பதாக கூறப்பட்டது என்பது தெரிந்ததே.