தல அஜீத் சமீபத்தில் தமிழக அளவில் நடந்த துப்பாக்கி சுடும் போட்டியில் தங்கம் வெள்ளி பதக்கங்களை வாங்கி குவித்தார் என்றும் அவருக்கு திரையுலக பிரபலங்கள் உள்பட அரசியல்வாதிகள் பலரும் பாராட்டு தெரிவித்தனர் என்பது தெரிந்ததே. இந்த நிலையில் தற்போது அதே துப்பாக்கி சுடும் போட்டியில் சாதனை செய்த சென்னையை சேர்ந்த சகோதரிகள் இருவருக்கும் தனது வாழ்த்துக்களை தல அஜித் தெரிவித்துள்ளார்

சென்னையை அடுத்த ஆவடியில் மாநில அளவிலான துப்பாக்கி சுடும் போட்டிகள் நடைபெற்று வருகின்றன. இந்த போட்டியில் ராகவி என்ற பெண் தங்கப்பதக்கம் வென்றார். இவர் தொடர்ந்து மூன்றாவது முறையாக தங்கப்பதக்கம் வென்றுள்ளார் என்பது குறிப்பிடத்தக்கது. இதே போட்டியில் இவரது சகோதரி ரசிகா என்பவரும் வெற்றி பெற்றுள்ளார். ராகவி, ரசிகா ஆகிய இருவருமே அடுத்த மாதம் டெல்லியில் நடைபெற உள்ள தேசிய அளவிலான துப்பாக்கி போட்டிக்கு தகுதி பெற்றுள்ளனர்

இதனை அடுத்து ராகவி மற்றும் ரசிகா ஆகிய இருவரும் அஜித்தை நேரில் சந்தித்து வாழ்த்து பெற்றனர். சென்னை சகோதரிகளை நேரில் சந்தித்த அஜித், இன்னும் நிறைய பதக்கங்களை வெல்ல வேண்டும் என்று கூறி அவர்களுக்கு தனது மனமார்ந்த வாழ்த்துகளை தெரிவித்தார். அஜித்துடன் ராகவி. ரசிகா சகோதரிகள் எடுத்துக்கொண்ட புகைப்படங்கள் தற்போது இணையத்தில் வைரலாகி வருகின்றன.