நடிகர் சங்கத்தின் மெளன போராட்டத்தில் அஜித்
- IndiaGlitz, [Friday,January 20 2017]
ஜல்லிக்கட்டுக்கு ஆதரவாக ஒருபக்கம் மாணவர்கள் மற்றும் இளைஞர்கள் நான்கு நாட்களாக போராடி வரும் நிலையில் தென்னிந்திய நடிகர் சங்கம் இன்று ஒருநாள் மெளன போராட்டம் நடத்துவதாக அறிவித்தது. இன்று காலை எட்டு மணி முதல் நடிகர் சங்க வளாகத்தில் இந்த போராட்டம் நடைபெற்று வருகிறது.
இந்த போராட்டத்தில் நடிகர் அஜித் மனைவி ஷாலினியுடன் கலந்து கொண்டார். மேலும் நடிகர் சங்கத் தலைவர் நாசர், துணைத் தலைவர் பொன்வண்ணன், பொருளாளர் கார்த்தி, சத்யராஜ், ரகுமான் ஆகியோர் இன்று காலை முதல் கலந்து கொண்டு அமைதி வழியில் மெளனப் போராட்டம் நடத்தி வருகின்றனர்.
அதுமட்டுமின்றி ரஜினி, கமல், விஜய் உள்ளிட்ட முன்னணி நடிகர்கள் மற்றும் முன்னணி நடிகைகள் பலரும் இதில் கலந்து கொள்வார்கள் என எதிர்பார்க்கப்படுகிறது.