அஜீத் நடித்த 'வேதாளம்' திரைப்படத்தின் டீசர் இன்று நள்ளிரவு 12 மணிக்கு வெளியாகும் என ஏற்கனவே படக்குழுவினர்களிடம் இருந்து செய்திகள் வெளிவந்த நிலையில், சற்று முன்னர் இந்த படத்தின் இசையமைப்பாளர் அனிருத், இதை உறுதி செய்துள்ளார்.

'வேதாளம்' படத்தின் டீசர் இன்று வெளியாகவுள்ளதாகவும், அத்துடன் தனது தீம் மீயூசிக்கும் வெளியாகவுள்ளதாகவும் அனிருத் தனது சமூக வலைத்தளத்தில் தெரிவித்துள்ளார். ஏற்கனவே கடந்த இரண்டு நாட்களுக்கு முன்னர் வேதாளம்' படத்திற்காக அனிருத் கம்போஸ் செய்த தீம் மியூசிக் வெளியானதாக வதந்தி கிளம்பிய நிலையில் இன்று நள்ளிரவு உண்மையாகவே தீம் மியூசிக் வெளியாவது உறுதியாகியுள்ளதால் அஜீத் ரசிகர்களுக்கு போனஸாக மேலும் ஒரு இன்ப அதிர்ச்சி ஏற்பட்டுள்ளது.

அஜீத், ஸ்ருதிஹாசன், லட்சுமிமேனன், கபீர்சிங், சூரி, தம்பிராமையா, ராகுல்தேவ் மற்றும் பலர் நடித்துள்ள இந்த படத்தை சிறுத்தை சிவா இயக்கி வருகிறார். அனிருத்தின் இசையமைப்பில் ஏ.எம்.ரத்னம் தயாரிப்பில் உருவாகி வரும் இந்த படம் நவம்பர் 5ஆம் தேதி வெளியாகும் என எதிர்பார்க்கப்படுகிறது.