இது அஜித்தின் 'உலகம் சுற்றும் வாலிபன்'. சத்யஜோதி தியாகராஜன்
- IndiaGlitz, [Thursday,August 04 2016]
எம்.ஜி.ஆர் நடித்த 'உலகம் சுற்றும் வாலிபன்' உலகின் பல நாடுகளில் படமாக்கப்பட்டது போல அஜித்தின் 57வது படமும் ஐரோப்பிய நாடுகள் உள்பட உலகின் பல நாடுகளில் படமாக்கப்படவுள்ளதால் இந்த படத்தை அஜித்தின் உலகம் சுற்றும் வாலிபன் என்று கூறலாம் என இந்த படத்தின் தயாரிப்பாளர் சத்யஜோதி தியாகராஜன் கூறியுள்ளார்.
மேலும் அஜித் இந்த படத்தில் இண்டர்போல் அதிகாரியாக நடிக்கவுள்ளதாகவும், அவருடைய கேரக்டர் ஸ்டைலிஷாக இருக்கும் என்றும் தெரிவித்துள்ளார். இந்த படத்தின் நாயகிகளாக காஜல் அகர்வால் மற்றும் அக்சராஹாசன் நடிப்பதை உறுதி செய்த தியாகராஜ், இந்த படத்தின் 70% படப்பிடிப்பு வெளிநாட்டிலும் 30% இந்தியாவிலும் படமாக்க திட்டமிட்டுள்ளதாக கூறினார்.
மேலும் இந்த படத்தில் நான்கு பாடல்களை அனிருத் கம்போஸ் செய்யவுள்ளதாகவும், ஏற்கனவே தீம் மியூசிக்கை அவர் தயார் செய்துவிட்டதாகவும் அவர் தெரிவித்தார். ஆடி-18ல் இந்த படத்தின் படப்பிடிப்பு பல்கேரியாவில் உள்ள பெல்கிரேடில் தொடங்கியுள்ளதாகவும், இந்த படம் வரும் 2017ஆம் ஆண்டு ஏப்ரலில் வெளியாகும் என்றும் அவர் தெரிவித்துள்ளார்.