சென்னை மருத்துவமனையில் அஜீத் படப்பிடிப்பு
- IndiaGlitz, [Wednesday,August 26 2015]
அஜீத் நடித்து வரும் 'தல 56' படத்தின் படப்பிடிப்பு இறுதி கட்டத்தை நோக்கி நடைபெற்று வருகிறது என்பதை ஏற்கனவே பார்த்தோம். கடந்த திங்கள் அன்று சென்னை மால் ஒன்றில் சண்டைக்காட்சிகளின் படப்பிடிப்பு நடைபெற்ற நிலையில் இன்று சென்னையில் உள்ள தனியார் மருத்துவமனை ஒன்றில் 'தல 56' படத்தின் படப்பிடிப்பு நடந்து வருவதாக தகவல்கள் வெளிவந்துள்ளது.
இந்த தகவலை இந்த படத்தில் புதியதாக இணைந்துள்ள வில்லன் நடிகர் ராகுல்தேவ், தனது சமூக வலைத்தளத்தில் உறுதி செய்துள்ளார். இந்த படப்பிடிப்பில் அஜீத் மற்றும் ராகுல்தேவ் மோதும் சண்டைக்காட்சியின் படப்பிடிப்பு நடைபெறுவதாக கூறப்படுகிறது.
அஜீத், ஸ்ருதிஹாசன், லட்சுமி மேனன், ராகுல் தேவ், கபீர்சிங் உள்பட பலர் நடித்து வரும் இந்த படத்திற்கு அனிருத் இசையமைக்கின்றார். பெரும் பொருட்செலவில் ஏ.எம்.ரத்னம் தயாரித்து வரும் இந்த படத்தை சிறுத்தை சிவா இயக்கி வருகிறார்.