'தல அஜித் நடித்த 'வேதாளம் திரைப்படம் கடந்த தீபாவளி தினத்தில் வெளியாகி ரூ.100 கோடி கிளப்பில் இணைந்து சூப்பர் ஹிட் ஆகிய நிலையில், அஜித் அறுவை சிகிச்சை செய்து கொண்டு கடந்த சில மாதங்களாக ஓய்வு எடுத்து வருகிறார். தற்போது அவருடைய உடல்நிலை ஓரளவு சரியாகியுள்ள நிலையில் அவரது அடுத்த படம் குறித்த தகவல்கள் தற்போது வெளியாகியுள்ளது.

அஜித்தின் 57வது படத்தின் இயக்குனர் 'சிறுத்தை' சிவா என்றும், இசையமைப்பாளர் அனிருத் என்றும், படத்தொகுப்பளர் பிரவீன் கே.எல், என்றும், ஒளிப்பதிவாளர் வெற்றி என்றும் தகவல்கள் வெளிவந்துள்ளது. இந்த படத்தை சத்யஜோதி பிலிம்ஸ் நிறுவனம் தயாரிக்கவுள்ளதாகவும் இந்த படத்தின் அதிகாரபூர்வ அறிவிப்பு வரும் ஏப்ரல் 16ஆம் தேதி வெளிவரும் என்றும் கூறப்படுகிறது.

மேலும் அஜித்துக்கு ஜோடியாக நடிக்கும் நடிகை குறித்த பரிசீலனை நடந்து வருவதாகவும், ஏப்ரல் 16க்குள் இந்த படத்தின் நாயகி யார் என்பது முடிவு செய்யப்பட்டுவிடும் என்றும் கூறப்படுகிறது.