திமுக தலைவர் கருணாநிதிக்கு இந்தியாவில் உள்ள முக்கிய அரசியல் தலைவர்கள், திரையுலக பிரமுகர்கள் மற்றும் லட்சக்கணக்கான தொண்டர்கள் இறுதியஞ்சலி செலுத்தி வருகின்றனர். கருணாநிதியின் உடல் வைக்கப்பட்டுள்ள சென்னை ராஜாஜி ஹாலில் நீண்ட வரிசையில் நின்று தொண்டர்கள் தங்கள் தலைவருக்கு இறுதியஞ்சலி செலுத்த காத்த்திருக்கின்றனர்.

இந்த நிலையில் சற்றுமுன் தல அஜித் சென்னை ராஜாஜி ஹாலுக்கு வந்து கருணாநிதிக்கு தனது அஞ்சலியை செலுத்தினார். அவருடன் அவருடைய மனைவி ஷாலினி அவர்களும் வந்திருந்தார் என்பது குறிப்பிடத்தக்கது. முன்னதாக ஐதராபாத்தில் 'விசுவாசம்' படப்பிடிப்பில் இருந்த அஜித், கருணாநிதிக்கு அஞ்சலி செலுத்த நேற்று படப்பிடிப்பை ரத்து செய்துவிட்டு சென்னைக்கு உடனடியாக திரும்பினார் என்பது குறிப்பிடத்தக்கது. அதேபோல் நடிகர் சூர்யாவும் மறைந்த மாபெரும் தலைவருக்கு அஞ்சலி செலுத்தினார்

மேலும் கருணாநிதிக்கு நடிகர் அதர்வா, இயக்குனர் ஏ.எல்.விஜய், ஸ்டண்ட் சில்வா உள்பட பலர் அஞ்சலி செலுத்தினர். இந்த நிலையில் 'சர்கார்' படப்பிடிப்பிற்காக சமீபத்தில் அமெரிக்கா சென்ற தளபதி விஜய், கருணாநிதிக்கு அஞ்சலி செலுத்த சென்னை திரும்ப வாய்ப்பு இருப்பதாக கூறப்படுகிறது.