అభిమానులందు త‌మిళ తంబీలు వేర‌యా...ఇది కాద‌న‌లేని స‌త్యం. వీరికి న‌చ్చితే త‌ల‌పై పెట్టుకుంటారు. లేకుంటే ద‌గ్గ‌ర‌కు కూడా చేర్చ‌రు. ముఖ్యంగా హీరో, హీరోయిన్‌ల విష‌యంలో అభిమానులు త‌మ అభిమానాన్ని చాటుకుంటూ ఉంటారు. త‌మ అభిమాన హీరో, హీరోయిన్ పేరుతో సామాజిక సేవా కార్య‌క్ర‌మాలు నిర్వ‌హిస్తుంటారు.విగ్ర‌హాలు కట్టేస్తుంటారు.

ఇప్పుడు హీరో అజిత్‌కు ఆయ‌న అభిమానులు విగ్ర‌హం క‌ట్టేశారు. త‌మిళంలో మంచి అభిమాన గ‌ణాన్ని ఉన్న హీరోల్లో అజిత్ ఒక‌డు. ఆయ‌న న‌టిస్తున్న చిత్రం `వివేగం`. రీసెంట్‌గా రిలీజైన ఈ సినిమా టీజ‌ర్ సెన్సేష‌న‌ల్ డిజిట‌ల్ రికార్డ్‌ను ద‌క్కించుకుంది. ఈ టీజ‌ర్‌లో అజిత్ స్టిల్‌ను తీసుకుని అలానే ఓ విగ్ర‌హాన్ని త‌యారుచేస్తున్నారు. సినిమా విడుద‌ల స‌మయంలో ఈ విగ్ర‌హాన్ని ఆవిష్క‌రిస్తార‌ట‌. `వివేగం` ఆగ‌స్ట్ 10న విడుద‌ల కానుంది.