ஆர்.கே.சுரேஷ் படத்தில் அஜித் பாடல்
- IndiaGlitz, [Thursday,November 02 2017]
கோலிவுட் திரையுலக நடிகர்களின் பல படங்களில் தல அஜித்தின் பாடல்கள், போஸ்டர்கள், பேனர்கள் இணைக்கப்பட்டு வந்து கொண்டிருப்பதை அவ்வப்போது பார்த்து வருகிறோம் இந்த நிலையில் தற்போது ஆர்.கே.சுரேஷ் நடித்து வரும் 'பில்லா பாண்டி' படத்தில் தல அஜித் குறித்து ஒரு முழு பாடலே உள்ளது.
ஆர்.கே.சுரேஷ் நடித்து வரும் 'பில்லா பாண்டி' படத்தில் தல பெருமை குறித்து ஒரு பாடல் உள்ளதாக அவரது சமூக வலைத்தள பக்கத்தில் குறிப்பிடப்பட்டுள்ளது. 'எங்க குல தங்கம், எங்க தல சிங்கம்' என்று தொடங்கும் இந்த பாடலை கல்யாண் மாஸ்டர் நடனப்பயிற்சி அமைக்க ஆர்.கே.சுரேஷ் குழுவினர் நடனம் ஆடும் காட்சி படமாக்கப்பட்டுள்ளது. மேலும் இந்த பாடல் உள்பட இந்த படத்தின் பாடல்கள் வரும் டிசம்பரில் வெளிவரும் என்றும் ஆர்.கே.சுரேஷ் கூறியுள்ளார்.
பில்லா பாண்டி' படத்தில் அஜித் ரசிகராக ஆர்.கே.சுரேஷ் நடித்து வருகிறார் என்பதும், அஜித்தின் முகத்தை டாட்டூவாக அவர் தனது உடலில் வரைந்துள்ளார் என்பதும் தெரிந்ததே. இந்த படத்தின் படப்பிடிப்பு இறுதிக்கட்டத்தில் இருப்பதாகவும், விரைவில் இந்த படத்தின் படப்பிடிப்பு முடிந்துவிடும் என்றும் படக்குழுவினர் தெரிவித்துள்ளனர்.
ஆர்.கே.சுரேஷ், இந்துஜா, யோகிபாபு, தம்பி ராமையா உள்ளிட்ட பலர் நடித்து வரும் இந்த படத்தை சரவணஷக்தி இயக்கி வருகிறார். இளையவன் இசையில் ஜீவன் ஒளிப்பதிவில் ராஜாமுகமது படத்தொகுப்பில் இந்த படம் வளர்ந்து வருகிறது.