மீண்டும் காக்கி சட்டை அணிகிறாரா அஜித்?
- IndiaGlitz, [Sunday,October 15 2017]
அஜித் நடித்த சர்வதேச உளவாளி படமான 'விவேகம்' 50வது நாள் என்ற மைல்கல்லை எட்டியுள்ள நிலையில் தற்போது அவருடைய அடுத்த படமான 'அஜித் 58' படம் குறித்து பல்வேறு தகவல்கள் வெளிவந்து கொண்டிருக்கின்றது.
அஜித் 58' படத்தை மீண்டும் இயக்குனர் சிவா இயக்கவுள்ளதாகவும், இதுகுறித்த பேச்சுவார்த்தைகள் நடந்து வருவதாக கூறப்பட்டாலும் இந்த செய்தி உறுதி செய்யப்படவில்லை
இந்த நிலையில் இயக்குனர் சிவா இயக்கவுள்ள நான்காவது அஜித் படம் ஒரு போலீஸ் படம் என்றும், ஆஞ்சநேயா, மங்காத்தா, என்னை அறிந்தால் படங்களுக்கு பின்னர் அஜித் நான்காவது முறையாக காக்கி சட்டை அணியவிருப்பதாகவும் தற்போது வெளிவந்துள்ள செய்திகள் கூறுகின்றன.
இயக்குனர் சிவாவின் முதல் படம் 'சிறுத்தை' போலீஸ் படம் என்பதும் அந்த படம் நல்ல வெற்றியை பெற்றது என்பதும் தெரிந்ததே. இந்த நிலையில் மீண்டும் அவர் போலீஸ் படம் இயக்கினார் அந்த படம் மாஸ் ஆக அஜித்துக்கு அமையுமா? என்பதை பொறுத்திருந்து பார்ப்போம்