'தல 56' படத்தின் வியாபாரம் தொடங்கியது
- IndiaGlitz, [Wednesday,September 02 2015]
சிறுத்தை சிவா இயக்கத்தில் அஜீத் நடித்து வரும் 'தல 56' படத்தின் கிளைமாக்ஸ் காட்சிகளின் படப்பிடிப்பு சென்னையில் நடைபெற்று வருகிறது. இந்த படம் தீபாவளிக்கு உறுதியாக வெளியாகும் என எதிர்பார்க்கப்படும் நிலையில், இந்த படத்தின் வியாபாரம் ஆரம்பமாகிவிட்டதாக தகவல்கள் வெளிவந்துள்ளது.
பெரும் பொருட்செலவில் இந்த படத்தை தயாரித்துள்ள ஏ.எம்.ரத்னம், முதல்கட்டமாக வட ஆற்காடு மற்றும் தென்னாற்காடு ஏரியாவின் ரிலீஸ் உரிமையை பாண்டிச்சேரி சுரேஷ் அவர்களுக்கு பெரும் தொகைக்கு விற்பனை செய்துள்ளதாக தகவல்கள் வெளிவந்துள்ளது. மற்ற ஏரியாக்களின் ரிலீஸ் உரிமைகளும் விரைவில் விற்பனை செய்யப்படும் என எதிர்பார்க்கப்படுகிறது.
அஜீத்துக்கு ஜோடியாக ஸ்ருதிஹாசனும், தங்கையாக லட்சுமிமேனனும் நடித்துள்ள இந்த படத்தில் கபீர்சிங், ராகுல்தேவ் ஆகிய இருவரும் வில்லன் கேரக்டர்களில் நடித்துள்ளனர். மற்றும் அஸ்வின், சூரி உள்பட பலர் நடித்துள்ள இந்த படத்திற்கு அனிருத் இசையமைத்துள்ளார். இந்த படத்தின் டைட்டில், டீசர் ரிலீஸ் தேதி, இசை வெளியீட்டு தேதி ஆகியவை விரைவில் அறிவிக்கப்படும் என எதிர்பார்க்கப்படுகிறது.