சென்னை திரும்பினார் அஜித்.. 'விடாமுயற்சி' படப்பிடிப்பு எப்போது?
- IndiaGlitz, [Sunday,July 16 2023]
நடிகர் அஜித் கடந்த சில நாட்களாக சுவிட்சர்லாந்து நாட்டில் சுற்றுப் பயணத்தில் இருந்த நிலையில் தற்போது அவர் சென்னை திரும்பி விட்டதாக கூறப்படுகிறது. எனவே அவர் நடிக்க இருக்கும் அடுத்த திரைப்படமான ‘விடாமுயற்சி’ படத்தின் படப்பிடிப்பு விரைவில் தொடங்கும் என்று எதிர்பார்க்கப்படுகிறது
மகிழ் திருமேனி இயக்கத்தில் லைகா நிறுவனத்தின் தயாரிப்பில் உருவாக இருக்கும் திரைப்படம் ‘விடாமுயற்சி’. இந்த படத்தின் படப்பிடிப்பு வரும் ஆகஸ்ட் மாதம் தொடங்கும் என்று எதிர்பார்க்கப்பட்ட நிலையில் சமீபத்தில் அஜித் சுவிட்சர்லாந்து நாட்டிற்கு சென்றார் என்பதும் அங்கு அவர் ரசிகர்களுடன் எடுத்துக்கொண்ட புகைப்படம் இணையத்தில் வைரலானது என்பதையும் பார்த்தோம்
இந்த நிலையில் தற்போது அஜித் சுவிட்சர்லாந்தில் இருந்து சென்னை திரும்பி விட்டார். சென்னை விமான நிலையத்தில் எடுக்கப்பட்ட அஜித்தின் புகைப்படங்கள் வீடியோக்கள் இணையத்தில் வைரல் ஆகி வருகின்றன. எனவே திட்டமிட்டபடி ‘விடாமுயற்சி’ படத்தின் படப்பிடிப்பு ஆகஸ்ட் மாதத்தில் தொடங்கும் என்று கூறப்படுகிறது
நடிகை த்ரிஷா நாயகியாகவும், அர்ஜுன் தாஸ் வில்லனாகவும் இந்த படத்தில் நடிக்க இருப்பதாகவும் அனிருத் இந்த படத்திற்கு இசையமைக்க இருப்பதாகவும் இருப்பதாகவும் கூறப்படுகிறது.