நடிகர் அஜித் கடந்த சில நாட்களாக வெளிநாட்டு சுற்றுப் பயணத்தில் இருந்த நிலையில் தற்போது அவர் தனது சுற்றுப் பயணத்தை முடித்துவிட்டு சென்னை திரும்பி உள்ளார். சென்னை விமான நிலையத்தில் அவர் வந்து இறங்கிய ஸ்டைலிஷ் வீடியோ தற்போது இணையத்தில் வைரல் ஆகி வருகிறது.

சென்னை விமான நிலையத்தில் அஜித் சிவப்பு நிற டீசர்ட் அணிந்து ஸ்டைலிஷ் ஆக நடந்து வரும் வீடியோவை அஜித் ரசிகர்கள் இணையத்தில் பகிர்ந்து வருகின்றனர். சென்னை விமான நிலையத்தில் ரசிகர்கள் மற்றும் விமான நிலைய ஊழியர்கள் சிலருடன் அஜித் புகைப்படமும் எடுத்து கொண்டார். இந்த புகைப்படங்கள் இணையத்தில் வைரலாகி வருகின்றன.

இந்த நிலையில் அஜித்தின் நடிக்க இருக்கும் அடுத்த திரைப்படமான ‘விடாமுயற்சி’ திரைப்படத்தை இயக்குனர் மகிழ் திருமேனி இயக்க இருக்கும் நிலையில் இந்த படத்தின் ஆரம்பகட்ட பணிகள் முடிந்து விட்டதாகவும் ஆகஸ்டு முதல் வாரம் அல்லது இரண்டாவது வாரம் இந்த படத்தின் படப்பிடிப்பு தொடங்கும் என்றும் எதிர்பார்க்கப்படுகிறது.

அஜித் சென்னை திரும்பி விட்டதை அடுத்து இன்னும் ஒரு சில நாட்களில் படப்பிடிப்பு தொடங்கும் தேதி அதிகாரப்பூர்வமாக அறிவிக்கப்படும் என்று எதிர்பார்க்கப்படுகிறது. மேலும் இந்த படத்தில் நடிக்கும் நட்சத்திரங்கள் மற்றும் தொழில்நுட்ப கலைஞர்களின் விவரங்கள் முழுமையாக அறிவிக்கப்படும் என்றும் கூறப்படுகிறது. லைக்கா நிறுவனத்தின் தயாரிப்பில் உருவாகும் இந்த படத்திற்கு அனிருத் இசையமைக்க உள்ளார் என்பது குறிப்பிடத்தக்கது.