தேசிய அளவில் புகழ் பெற காத்திருக்கும் 'தல' அஜித்!
- IndiaGlitz, [Saturday,August 03 2019]
கோவையில் நடைபெற்ற 45வது மாநில அளவிலான துப்பாக்கி சுடுதல் போட்டியில் தல அஜித் கலந்துகொண்டு இரண்டாவது சுற்றுக்கு தகுதி பெற்றார் என்பதை ஏற்கனவே பார்த்தோம்.
இந்த நிலையில் நேற்று நடைபெற்ற இரண்டாவது சுற்றிலும் அவர் 10 மீட்டர் ஏர் பிஸ்டல், 50 மீட்டர் ப்ரீ பிஸ்டல் மற்றும் 25 மீட்டர் பிஸ்டல் ஆகிய பிரிவுகளில் பங்கேற்றார். இந்த பிரிவுகளில் அஜித் சிறப்பாக செயல் பட்டதை அடுத்து தேசிய அளவிலான துப்பாக்கி சுடும் போட்டிக்கு தகுதி பெற்றதாக அறிவிக்கப் பட்டுள்ளார்.
இதனை அடுத்து வரும் டிசம்பர் மாதம் மத்தியபிரதேச மாநிலம் போபால் நகரில் நடைபெறும் தேசிய அளவிலான துப்பாக்கி சுடும் போட்டியில் அவர் பங்கு பெற உள்ளார். மாநில அளவில் தேர்வில் பெற்று தேசிய அளவிலான போட்டிக்கு தகுதி பெற்ற நடிகர் அஜித்குமார் அடுத்ததாக சர்வதேச அளவிலான துப்பாக்கி சுடும் போட்டியிலும் பங்கு பெறுவார் என அவரது ரசிகர்கள் நம்பிக்கை தெரிவித்துள்ளனர். மேலும் தேசிய அளவிலான போட்டிக்கு தகுதி பெற்ற, தல அஜித்துக்கு திரையுலகினர் வாழ்த்துக்களை தெரிவித்து வருகின்றனர்.