ஏழு கண்டங்களில் உள்ள 60 நாடுகளில் பயணம் செய்ய அஜித் திட்டமிட்டிருப்பதாகவும் இதனால் அவரது ரசிகர்கள் கவலை அடைந்து உள்ளதாகவும் தகவல்கள் வெளியாகியுள்ளன.

நடிகர் அஜீத் சினிமாவில் நடிப்பது மட்டுமின்றி பைக் பயணம் செய்வதிலும் விருப்பம் உள்ளவர் என்பதும் அவ்வப்போது கிடைத்த ஓய்வு நேரத்தில் பைக் பயணம் செய்து வருகிறார் என்பதும் தெரிந்ததே.

மேலும் அவர் உலகம் முழுவதும் பைக்கில் பயணம் செய்ய வேண்டும் என்ற திட்டத்தை கடந்த இரண்டு ஆண்டுகளாக வகுத்து வருகிறார் என்பதும் இதுகுறித்து அவர் ஆலோசனை செய்து வருவதாகவும் தகவல்கள் வெளியாகின.

இந்த நிலையில் லைகா நிறுவனத்தின் தயாரிப்பில் விக்னேஷ் சிவன் இயக்கும் அஜித்தின் ‘ஏகே 62’ படத்தின் படப்பிடிப்பை முடித்த பின்னர் அவர் 7 கண்டங்களில் 60 நாடுகளில் பயணம் செய்ய திட்டமிட்டு இருப்பதாகவும் இதற்காக அவர் ஒன்றரை ஆண்டுகள் செலவிட திட்டமிட்டு இருப்பதாக கூறப்படுகிது.

எனவே ’ஏகே 62’ படத்திற்கு பின்னர் அவர் சுமார் ஒன்றரை ஆண்டுகள் திரைப்படங்களில் நடிக்க வாய்ப்பில்லை என்றும், அதன்பின் அவர் நடிக்க ஆரம்பித்தாலும் ‘ஏகே 63’ வெளியாக ஒரு வருடம் ஆகும் என்பதால் கிட்டத்தட்ட அஜித் படம் மூன்று ஆண்டுகள் வெளியாக வாய்ப்பு இல்லை என்று கூறப்படுவதால் அஜித் ரசிகர்கள் அதிர்ச்சி அடைந்துள்ளனர்.

இருப்பினும் அஜித்தின் பைக் பயணம் குறித்த புகைப்படம் மற்றும் வீடியோக்கள் வெளியாகி ரசிகர்களை ஒன்றரை ஆண்டுகளுக்கு திருப்தி செய்யும் என்று எதிர்பார்க்கப்படுகிறது.