நடிகர் அஜித் கடந்த பல வருடங்களாக தனது படத்தின் புரமோஷனில் கலந்து கொள்ள மாட்டார் என்பதும் அது மட்டுமின்றி தனது படத்தின் பூஜையில் கூட அவர் கலந்துகொள்ள மாட்டார் என்பதும் தெரிந்ததே.

இந்த நிலையில் அஜீத் நடித்து முடித்துள்ள ’துணிவு’ படம் வரும் பொங்கல் தினத்தில் வெளியாக இருக்கும் நிலையில் இந்த படத்தின் புரமோஷனில் அஜித் கலந்துகொள்ள பேச்சுவார்த்தை நடத்தப்பட்டு வருவதாக கூறப்படுகிறது.

’துணிவு’ படத்தின் புரமோஷன் நிகழ்ச்சியை சென்னை நேரு ஸ்டேடியத்தில் பிரமாண்டமாக நடத்த திட்டமிடப்பட்டு இருப்பதாக கூறப்படுகிறது. இந்த படத்தின் ரிலீஸ் உரிமையை உதயநிதி ஸ்டாலினின் ரெட் ஜெயன்ட் மூவீஸ் நிறுவனம் பெற்று உள்ளதால் இந்த படத்தை மிகப்பெரிய அளவில் புரமோஷன் செய்ய முடிவு செய்துள்ளதாக தெரிகிறது.

முதல் கட்டமாக இந்த படத்தின் முக்கிய புரமோஷன் நிகழ்ச்சி ஒன்று சென்னை நேரு ஸ்டேடியத்தில் நடத்தத் திட்டமிடப்பட்டுள்ளது. இந்த நிகழ்ச்சியில் கலந்துகொள்ள அஜீத்திடம் வேண்டுகோள் விடுக்கப்பட்டுள்ளதாகவும், அஜித் இது குறித்து விரைவில் முடிவு எடுப்பார் என்றும் கூறப்படுகிறது.

ஒருவேளை அஜித் இந்த நிகழ்ச்சியில் கலந்து கொள்ள முடிவு செய்தால் நீண்ட இடைவெளிக்குப் பிறகு அஜித் புரமோஷன் செய்யும் அதிசயம் நடக்கும் என்பது குறிப்பிடத்தக்கது. அதுமட்டுமின்றி அஜித் நீண்ட இடைவேளைக்குப் பின்னர் திரைப்பட நிகழ்ச்சி ஒன்றில் கலந்து கொள்வது அவரது ரசிகர்களுக்கு பெரும் விருந்தாக இருக்கும்.