தல அஜித் நடித்த 'வேதாளம் வெற்றிப்படத்தை அடுத்து அவருடைய அடுத்த படம் எப்போது தொடங்கும் என ஆவலுடன் காத்திருந்த அஜித் ரசிகர்களுக்கு ஒரு இனிப்பான செய்தி வெளிவந்துள்ளது. 'வேதாளம்' படத்திற்கு பின்னர் அறுவை சிகிச்சை செய்து கொண்டு ஓய்வு எடுத்து வரும் அஜித், அடுத்ததாக மீண்டும் சிறுத்தை சிவா இயக்கத்தில் நடிப்பது தற்போது உறுதியாகியுள்ளது.

சத்யஜோதி பிலிம்ஸ் நிறுவனம் தயாரிக்கவுள்ள இந்த படத்தின் அதிகாரபூர்வ அறிவிப்பு ஏப்ரல் 16ஆம் தேதி வெளிவரவுள்ளதாகவும், இந்த படம் ஜுன் மாதம் ஆரம்பித்து மூன்றே மாதங்களில் படப்பிடிப்பை முடிக்க திட்டமிட்டுள்ளதாகவும் கூறப்படுகிறது.

மேலும் தல அஜித் இந்த படத்தில் இரண்டு வித்தியாசமான வேடங்களில் நடிக்கவுள்ளாராம். இந்த படத்தின் ஹீரோயின் மற்றும் நடிகர், நடிகைகளின் தேர்வு நடைபெற்று வருவதாகவும் கூறப்படுகிறது. ஏப்ரல் 14ஆம் தேதி விஜய்யின் 'தெறி' ரிலீஸ் ஆகும் நிலையில் இரண்டே நாள் இடைவெளியில் அஜித்தின் பட அறிவிப்பு வெளிவரவுள்ளது என்பது குறிப்பிடத்தக்கது.