அஜித்துக்கு டப்பிங் குரல் கொடுத்த பிரபல டப்பிங் கலைஞர் ஸ்ரீனிவாச மூர்த்தி அவர்கள் காலமானதாக அறிவிக்கப்பட்டுள்ளதை அடுத்து திரையுலகினர் அவரது மறைவிற்கு இரங்கல் தெரிவித்து வருகின்றனர்.

பிரபல தெலுங்கு டப்பிங் கலைஞர் ஸ்ரீனிவாச மூர்த்தி அவர்கள் இன்று திடீரென காலமானார். அவர் தமிழ், ஆங்கிலம், ஹிந்தி படங்கள் தெலுங்கில் டப் செய்யும்போது முன்னணி நட்சத்திரங்களுக்கு குரல் கொடுத்துள்ளார் என்பது குறிப்பிடத்தக்கது.

குறிப்பாக அஜித் நடித்த ’விஸ்வாசம்’ உள்பட பல படங்கள் தெலுங்கில் டப்பிங் செய்யும் போது இவர்தான் குரல் கொடுத்து உள்ளார் என்பது குறிப்பிடப்படுகிறது. சமீபத்தில் இவர் குரல் கொடுத்த திரைப்படம் மாதவனின் ’ராக்கெட்டரி’ என்ற திரைப்படம் என்பது குறிப்பிடத்தக்கது.

கடந்த 1990 ஆம் ஆண்டு முதல் டப்பிங் கலைஞராக பணியாற்றி வரும் ஸ்ரீனிவாச மூர்த்தி 1000 படங்களுக்கு மேல் டப்பிங் செய்துள்ளார் என்பதும் அவர் தெலுங்கு திரை உலகின் முக்கிய விருதான நந்தி விருதை வென்று உள்ளார் என்பது குறிப்பிடத்தக்கது.