36 வயதில் கணக்கு டீச்சரை திருமணம் செய்து கொண்ட அஜித் பட வில்லன்.. ரசிகர்கள் வாழ்த்து..!
- IndiaGlitz, [Sunday,June 25 2023]
அஜித் படத்தில் வில்லனாக நடித்த நடிகர் 36 வயதில் கணக்கு டீச்சரை திருமணம் செய்து கொண்ட நிலையில் திருமண புகைப்படங்கள் இணையதளங்களில் வைரல் ஆகி வருகிறது.
அஜித் நடிப்பில் சிறுத்தை சிவா இயக்கத்தில் உருவான ’வேதாளம்’ திரைப்படம் கடந்த 2015 ஆம் ஆண்டு வெளியாகி நல்ல வரவேற்பை பெற்றது. இந்த படத்தில் வில்லன் வேடத்தில் நடித்து கலக்கியவர் கபீர் சிங் என்பது தெரிந்ததே.
’வேதாளம்’ படத்தின் வெற்றியை அடுத்து அவர் தமிழில் ’ரெக்க’, ‘காஞ்சனா 3’ ’அருவம்’ ’தெற்கத்தி வீரன்’ உள்ளிட்ட படங்களில் நடித்தார். தற்போது அவர் தெலுங்கு மற்றும் கன்னட படங்களில் நடித்து வருகிறார் என்பது குறிப்பிடத்தக்கது.
இந்த நிலையில் 36 வயதான கபீர் சிங், கணக்கு டீச்சர் சீமா சாகல் என்பவரை திருமணம் செய்து கொண்டார். ஹரியானாவில் நடந்த இந்த திருமணத்திற்கு இரு குடும்பத்தின் நெருங்கிய உறவினர்கள் மற்றும் நண்பர்கள் கலந்து கொண்டு மணமக்களுக்கு வாழ்த்து தெரிவித்தனர்.
தனது திருமணம் குறித்து கருத்து கூறிய கபீர் சிங் ’கடவுளின் அருள் மற்றும் ரசிகர்கள் ஆசியால் இந்த திருமணம் நடைபெற்றுள்ளதாகவும் சீமாவுடன் தனது புதிய வாழ்க்கையை தொடங்க இருப்பதாகவும் தெரிவித்துள்ளார்.