'கோட்' படத்தில் இணைந்த அஜித் பட நடிகை.. வெங்கட்பிரபுவுடன் எடுத்த புகைப்படம் வைரல்..!
- IndiaGlitz, [Wednesday,January 24 2024]
தளபதி விஜய் நடித்து வரும் ’கோட்’ திரைப்படத்தின் படப்பிடிப்பு விறுவிறுப்பாக நடைபெற்று வரும் நிலையில் இந்த படத்தில் அஜித் படத்தில் நாயகியாக நடித்த பிரபல நடிகை ஒருவர் இணைந்துள்ளதாக தகவல் வெளியாகி உள்ளது.
தளபதி விஜய் நடிப்பில், வெங்கட் பிரபு இயக்கத்தில், ஏஜிஎஸ் நிறுவனத்தின் தயாரிப்பில், யுவன் சங்கர் ராஜா இசையில் உருவாகி வரும் திரைப்படம் ’கோட்’. இந்த படத்தின் அடுத்த கட்ட படப்பிடிப்பு இலங்கையில் நடைபெற இருப்பதாகவும் அதற்கான ஆயத்த பணிகள் நடைபெற்று வருவதாகவும் கூறப்படுகிறது.
இந்த நிலையில் இந்த படத்தில் ஏற்கனவே ஒரு மிகப்பெரிய நட்சத்திர கூட்டம் நடித்து வரும் நிலையில் தற்போது இந்த படத்தில் நடிகை கனிகா இணைந்துள்ளதாக தகவல் வெளியாகியுள்ளது. அஜித் நடித்த ’வரலாறு’ உள்பட பல தமிழ் திரைப்படங்களில் நடித்துள்ள கனிகா, தற்போது சன் டிவியில் ஒளிபரப்பாகி வரும் ’எதிர்நீச்சல்’ சீரியலில் நடித்து வருகிறார் என்பது குறிப்பிடத்தக்கது.
வெங்கட் பிரபுவுடன் இணைந்து பணி புரிவதில் தனக்கு மிகுந்த மகிழ்ச்சி என்று வெங்கட் பிரபுவுடன் இருக்கும் புகைப்படத்தை கனிகா தனது இன்ஸ்டாகிராம் பக்கத்தில் பதிவு செய்துள்ள நிலையில் அவர் ’கோட்’ படத்தில் இணைந்துள்ளது உறுதி செய்யப்பட்டுள்ளது.
விஜய், பிரபுதேவா, பிரசாந்த், மோகன், சினேகா, லைலா, மீனாட்சி சவுத்ரி, பிரேம்ஜி என ஏராளமான நட்சத்திரங்கள் இந்த படத்தில் நடித்து வரும் நிலையில் தற்போது கனிகாவும் இணைந்துள்ளதை அடுத்து, இன்னும் யாரெல்லாம் இந்த படத்தில் இணைவார்கள் என்பதை பொறுத்திருந்து பார்ப்போம்.