கோலிவுட் காமெடி நடிகர்களில் குறிப்பிட்டு சொல்லும்படியான இடத்தை பெற்றுள்ள நடிகர் சூரி நேற்று தனது பிறந்த நாளை சிறப்பாக கொண்டாடினார் என்பதையும், அவருக்கு சக நடிகர்கள் வாழ்த்து கூறியதையும் ஏற்கனவே பார்த்தோம். இந்நிலையில் இந்த பிறந்த நாள் சூரிக்கு மறக்க முடியாத பிறந்த நாளாக நேற்று அமைந்துள்ளது.

ஏற்கனவே விஜய்யுடன் வேலாயுதம், ஜில்லா ஆகிய படங்களில் நடித்துள்ள சூரி, முதன்முதலாக 'தல 56' படத்தில் அஜீத்துடன் நடித்து வருகிறர். இந்நிலையில் நேற்றைய பிறந்த நாளை முன்னிட்டு அஜீத்தை தனது குடும்பத்தினர் மற்றும் நண்பர்களுடன் நேரில் சந்தித்து பிறந்தநாள் வாழ்த்துக்களை பெற்றார். சூரியின் நண்பர்களும் குடும்பத்தினர்களும் அஜித்தை நேரில் சந்தித்து குறித்து பெரும் மகிழ்ச்சி அடைந்ததாக கூறப்படுகிறது. குடும்பத்துடன் அஜீத்தை சந்தித்தது தான் பெற்ற மிகப்பெரிய பிறந்த நாள் பரிசு என சூரி கூறியுள்ளதாகவும் செய்திகள் வெளிவந்துள்ளது.

விஷாலுடன் சூரி நடித்த 'பாயும் புலி' வரும் செப்டம்பர் 4ஆம் தேதி வெளிவரவுள்ளது என்பது குறிப்பிடத்தக்கது. மேலும் தற்போது சூரி 'கலக்குற மாப்ளே', ரஜினி முருகன், கத்துக்குட்டி, இது நம்ம ஆளு, மாப்ளே சிங்கம் போன்ற படங்களிலும் நடித்து வருகிறார்.