நடிகர் அஜித் குமார் சமீபத்தில் ஒரு ரேசிங் டீம் உருவாக்கியதாக அறிவிக்கப்பட்ட நிலையில், தற்போது இந்த டீமின் லோகோ வெளியிடப்பட்டுள்ளது.

அஜித் குமார் ரேசிங் அணி, ஐரோப்பாவில் நடைபெற இருக்கும் கார் பந்தயத்தில் கலந்து கொள்ள இருப்பதாக சமீபத்தில் அறிவிக்கப்பட்ட நிலையில், அஜித் குமார் ரேசிங் அணியின் லோகோ சற்றுமுன் வெளியிடப்பட்டுள்ளது. இதில், அணியின் உரிமையாளர் மற்றும் முதன்மை ஓட்டுநர் அஜித் என்றும் அறிவிக்கப்பட்டுள்ளது. இந்த அணியில், அஜித்துடன் மேலும் 3 கார் ரேஸ் ஓட்டுநர்கள் உள்ளனர் என்பதும் குறிப்பிடத்தக்கது.

அஜித் குமார் அணியின் லோகோ தற்போது இணையத்தில் மிக வேகமாக வைரலாகி வருகிறது. இந்த லோகோவில் "அஜித் குமார் ரேசிங்" என்ற எழுத்துக்களுடன், காரின் புகைப்படமும் உள்ளது என்பது குறிப்பிடத்தக்கது.

இந்த நிலையில், அஜித் நடித்து வரும் "விடாமுயற்சி" படத்தின் படப்பிடிப்பு இறுதி கட்டத்தை நெருங்கி உள்ள நிலையில், அவர் நடித்து வரும் இன்னொரு திரைப்படமான "குட் பேட் அக்லி’ படத்தின் அடுத்த கட்ட படப்பிடிப்பு விரைவில் தொடங்க உள்ளது என குறிப்பிடப்பட்டுள்ளது.

ஒரு பக்கம் திரைப்படங்களின் படப்பிடிப்பில் கலந்து கொள்வது, இன்னொரு பக்கம் கார் ரேஸில் கலந்து கொள்வது என அஜித் தற்போது பிஸியாக உள்ளார்.

View this post on Instagram

A post shared by Madras Stories (@themadrasstories)