சென்னைக்கு வெள்ள நிவாரண உதவி செய்த கேரள அஜீத் ரசிகர்கள்
- IndiaGlitz, [Sunday,December 13 2015]
கடந்த வாரம் சென்னையில் பெய்த கனமழையால் ஏற்பட்ட வெள்ள பாதிப்புக்கு நிவாரண உதவியாக மத்திய, மாநில அரசுகள், தனியார் தொண்டு நிறுவனங்கள், அண்டை மாநிலங்கள் மற்றும் வெளிநாடுகளில் இருந்து நிதியுதவியும் நிவாரண பொருட்களும் குவிந்து வருவதை ஏற்கனவே அவ்வப்போது பார்த்து வந்தோம்.
இந்நிலையில் தமிழ் திரையுலகினர் மட்டுமின்றி கேரள, தெலுங்கு மற்றும் பாலிவுட் திரையுலகினர்களும் சென்னை வெள்ள பாதிப்புக்காக தாராளமாக நிதி வழங்கி வருகின்றனர்.
இந்நிலையில் கேரளாவில் உள்ள அஜீத் ரசிகர்கள் உணவு, உடை மற்றும் மருந்து பொருட்கள் அடங்கிய வாகனம் ஒன்றை சென்னைக்கு அனுப்பியுள்ளனர். கேரளாவில் உள்ள அனைத்து அஜித் ரசிகர் மன்றங்களும் ஒருங்கிணைந்து இந்த பொருட்களை அனுப்பியதற்கு சமூக வலைத்தளங்கள் மூலம் பாராட்டுக்கள் குவிந்து வருகிறது என்பது குறிப்பிடத்தக்கது.