தொலைக்காட்சி தொடர்களில் பிரபலமாகி பின்னர் சமீபத்தில் வெளியான 'மேயாத மான்' படத்தின் மூலம் ரசிகர்களின் மனதை கவர்ந்தவர் நடிகை ப்ரியா பவானிசங்கர். இந்த படத்தின் வெற்றியால் தற்போது இவர் கார்த்தி நடிப்பில் பாண்டிராஜ் இயக்கி வரும் படத்தில் நாயகியாக நடிக்கும் வாய்ப்பை பெற்றுள்ளார்

இந்த நிலையில் சமீபத்தில் தனது சமூக வலைத்தளத்தில் அஜித் குறித்து இவர் பதிவு செய்துள்ள ஒரு டுவீட் டிரெண்டிங்கில் இணைந்துள்ளது. என்னிடம் பிடித்த நடிகர் யார்? என்று கேள்வியை பலர் கேட்கின்றனர். எத்தனை பேர் எத்தனை முறை கேட்டாலும் எனது ஒரே பதில் 'என்னை கவர்ந்த நடிகர் அஜித் மட்டுமே' என்று கூறி வருகிறேன். அஜித் தான் என்னுடைய ஃபேவரேட் மட்டுமின்றி பெஸ்ட் என்றும் அவர் கூறியுள்ளார். இந்த ஒரே ஒரு டுவீட்டுக்கு ஆயிரக்கணக்கான லைக்ஸ்கள் குவிந்து வருகிறது.

மேலும் அவர் அளித்துள்ள பேட்டி ஒன்றில் 'அஜித்தின் முகவரி படத்தை எத்தனை முறை பார்த்துள்ளேன் என்று எனக்கே தெரியாது. இன்னும் எத்தனை முறை வேண்டுமானாலும் அந்த படத்தை புதுசா பார்க்கின்ற மாதிரி பார்ப்பேன்' என்று கூறியுள்ளார்.