கோலிவுட் திரையுலகில் அறிமுகமாகும் நடிகர், நடிகைகள், தொழில்நுட்ப கலைஞர்கள் என அனைவரும் அஜித்துடன் ஒரு படத்திலாவது பணிபுரிய வேண்டும் என்ற லட்சியத்தை கொண்டவர்களாக இருப்பார்கள் என்பது தெரிந்ததே. அஜித்தை நடிகர் என்ற வகையில் மட்டுமின்றி நல்ல மனிதர் என்ற வகையில் அவரை அனைவரும் விரும்புவர் என்பது குறிப்பிடத்தக்கது.

இந்த நிலையில் அஜித் நடித்த 'என்னை அறிந்தால்' படத்தில் அருண்விஜய்க்கு ஜோடியாக நடித்த நடிகை பார்வதி, தான் பள்ளிப்பருவத்தில் இருந்தபோதே அஜித்தை மனதுக்குள் காதலித்ததாகவும், அதுதான் தனது முதல் காதல் என்றும் கூறி பரபரப்பை ஏற்படுத்தியுள்ளார்.

பள்ளி பருவத்தில் மனதுக்குள் காதலித்த அஜித்துடன் ஒரு படத்தில் நடித்துவிட்டேன் என்பதே தனக்கு பெருமையாக இருப்பதாகவும் அவர் தனது பேட்டியில் மேலும் தெரிவித்துள்ளார். நடிகை பார்வதி கொடுத்துள்ள அனைத்து பேட்டிகளிலும் அஜித் குறித்தும் அவருடன் நடித்த 'என்னை அறிந்தால்' படம் குறித்தும் பேசாமல் இருந்ததில்லை என்பது குறிப்பிடத்தக்கது.