நடிகர் சங்கம் நடத்தும் மௌன அறவழி போராட்டத்தில் தல அஜித்
- IndiaGlitz, [Thursday,January 19 2017]
ஜல்லிக்கட்டுக்கு ஆதரவாக இளைஞர்கள் நடத்தி வரும் போராட்டத்திற்கு கோலிவுட் திரையுலகில் இருக்கும் அத்தனை நட்சத்திரங்களும் ஆதரவுக்குரல் கொடுத்து வரும் நிலையில் நாளை அதாவது ஜனவரி 20ஆம் தேதி தென்னிந்திய நடிகர் சங்கத்தின் சார்பில் மௌன அறவழி போராட்டம் நடத்தப்படவுள்ளதாக அறிவிக்கப்பட்டுள்ளது.
நாளை காலை 8மணி முதல் மாலை 6 மணி வரை நடிகர்களின் உணர்வை வெளிபடுத்தும் வகையில் நடைபெறவுள்ள மௌன அறவழி போராட்டத்தில் நடிகர்கள் அனைவரும் கலந்து கொள்ள வேண்டும் என்று நடிகர் சங்க நிர்வாகம் கேட்டுக்கொண்டுள்ளது.
இந்நிலையில் இந்த போராட்டத்தில் தல அஜித் கலந்து கொள்ளவுள்ளதாக நம்பத்தகுந்த வட்டாரங்களில் இருந்து செய்தி வெளியாகியுள்ளது. அஜித்தை போலவே முன்னணி நடிகர்கள், நடிகைகள் அனைவரும் இந்த போராட்டத்தில் கலந்து கொள்வார்கள் என்று எதிர்பார்க்கப்படுகிறது.