தல அஜித் நடித்து வந்த 'விஸ்வாசம்' படத்தின் படப்பிடிப்பு நேற்றுடன் முடிந்ததால் 'விஸ்வாசம்' படத்தின் கெட்டப்பில் இருந்து இயல்பான தோற்றத்திற்கு மாறினார் அஜித்

அஜித் நடிப்பில் சிவா இயக்கி வந்த 'விஸ்வாசம் படத்தின் படப்பிடிப்பு கடந்த சில மாதங்களாக நடைபெற்று வந்த நிலையில் இந்த படத்தின் படப்பிடிப்பு நேற்றுடன் நிறைவு பெற்றதாக இந்த படத்தின் ஒளிப்பதிவாளர் வெற்றி தனது டுவிட்டரில் பதிவு செய்துள்ளார். அவர் தனது டுவிட்டரில் 'அனைவரின் ஆசிகளுடன் வாழ்த்துக்களுடன் இனிதே வெற்றிகரமாக விஸ்வாசம் படப்பிடிப்பு நிறைவடைந்தது' என்று பதிவு செய்துள்ளார்.

விஸ்வாசம் படப்பிடிப்பு முடிந்ததை அடுத்து விரைவில் போஸ்ட் புரடொக்சன்ஸ் பணிகள் தொடங்கவுள்ளதாகவும், வரும் பொங்கல் தினத்தில் இந்த படம் வெளியாவது உறுதி என்றும் கூறப்படுகிறது.அஜித், நயன்தாரா, தம்பி ராமையா, விவேக், ரோபோசங்கர் உள்ளிட்ட பலர் நடித்துள்ள இந்த படத்திற்கு டி.இமான் இசையமைத்து வருகிறார். இந்த படத்தை சத்யஜோதி பிலிம்ஸ் நிறுவனம் தயாரித்து வருகிறது