தல அஜித் நடிப்பில், இயக்குனர் சிவா இயக்கத்தில் 'விசுவாசம்' படத்தின் படப்பிடிப்பு ஐதராபாத்தில் உள்ள ராமோஜிராவ் பிலிம் சிட்டியில் கடந்த சில நாட்களாக நடைபெற்று வருவது தெரிந்ததே. முதல்கட்ட படப்பிடிப்பில் பாடல் காட்சி ஒன்றின் படப்பிடிப்பு நடைபெற்றது. இந்த படப்பிடிப்பில் அஜித், நயன்தாராவுடன் நூற்றுக்கணக்கான துணை நடிகர்கள் கலந்து கொண்டனர்.

இந்த நிலையில் தற்போது வெளிவந்துள்ள புதிய தகவலின்படி இந்த படத்தின் பாடல் காட்சியின் படப்பிடிப்பு முடிந்துவிட்டதாகவும், அடுத்ததாக அதே இடத்தில் உள்ள வேறொரு செட்டில் சண்டைக்காட்சிக்கான படப்பிடிப்பு நடந்து வருவதாகவும் தகவல்கள் வெளிவந்துள்ளது.

இந்த நிலையில் இந்த முதல்கட்ட படப்பிடிப்பு முடிந்தவுடன் பத்து நாட்கள் படக்குழுவினர் பத்து நாட்கள் பிரேக் எடுக்கவுள்ளதாகவும், அதன் பின்னர் சென்னையில் அமைக்கப்பட்டு வரும் பிரமாண்டமான செட்டில் அடுத்தகட்ட படப்பிடிப்பு தொடங்கும என்றும் கூறப்படுகிறது

கிராமப்புற பின்னணியில் உருவாகி வரும் இந்த படத்திற்கு டி.இமான் இசையமைத்து வருகிறார். இந்த படத்தை சத்யஜோதி பிலிம்ஸ் நிறுவனம் பிரமாண்டமாக தயாரித்து வருகிறது.