'விடாமுயற்சி' படப்பிடிப்பு தேதி.. அஜித்துடன் நடிக்கும் 4 முன்னணி நட்சத்திரங்கள்..!
- IndiaGlitz, [Tuesday,September 26 2023]
அஜித் நடிக்க இருக்கும் ‘விடாமுயற்சி’ என்ற படத்தின் அறிவிப்பு வெளியாகி கடந்த சில மாதங்கள் ஆகி உள்ள நிலையில் இந்த படத்தின் படப்பிடிப்பு குறித்த தகவல்கள் அவ்வப்போது வெளியாகி கொண்டிருந்தன.
இந்த நிலையில் இந்த படத்தின் படப்பிடிப்பு அக்டோபர் 4ஆம் தேதி தொடங்க இருப்பது கிட்டத்தட்ட உறுதி செய்யப்பட்டுள்ளது. ஏற்கனவே இந்த படத்தில் நடிக்கும் நட்சத்திரங்கள் மற்றும் தொழில்நுட்ப கலைஞர்கள் அபுதாபி சென்று விட்டதாகவும் அங்கு படப்பிடிப்புக்கு தேவையான பணிகள் நடைபெற்று வருவதாகவும் கூறப்படுகிறது.
அஜித் உள்பட முன்னணி நட்சத்திரங்கள் இன்னும் ஒரு சில நாட்களில் அபுதாபி செல்வார்கள் என்று எதிர்பார்க்கப்படுகிறது. இந்த படத்தில் அஜித்துடன் த்ரிஷா, சஞ்சய் தத், ஆரவ் மற்றும் ஹூமா குரேஷி ஆகிய நான்கு நட்சத்திரங்கள் நடிப்பது கிட்டத்தட்ட உறுதி செய்யப்பட்டுள்ளதாகவும் படப்பிடிப்பிற்கு முன்பு வெளியாகும் அறிவிப்பில் இந்த தகவல்கள் இருக்கும் என்றும் கூறப்படுகிறது
மகிழ் திருமேனி இயக்கத்தில், அனிருத் இசையில் உருவாகும் இந்த படத்தை பிரமாண்டமாக லைகா நிறுவனம் தயாரிக்க உள்ளது. இந்த படத்தின் படப்பிடிப்பு ஒரு சில மாதங்களில் முடிக்க மகிழ் திருமேனி திட்டமிட்டுள்ளதாகவும் கூறப்படுகிறது.