அஜித் நடிக்க இருக்கும் ‘விடாமுயற்சி’ என்ற படத்தின் அதிகாரப்பூர்வ அறிவிப்பு சமீபத்தில் வெளியானது என்பதும் இதனை அடுத்து இந்த படத்தின் ஆரம்பகட்ட பணிகள் தற்போது விறுவிறுப்பாக நடைபெற்று வருவதாகவும் செய்திகள் வெளியானது. இந்த நிலையில் தற்போது இந்த படத்தின் படப்பிடிப்பு குறித்த தகவல் கசிந்து உள்ளது.

மகிழ்திருமேனி இயக்கத்தில் லைகா நிறுவனத்தின் தயாரிப்பில் உருவாகயிருக்கும் ‘விடாமுயற்சி’ படத்தின் படப்பிடிப்பு மே மாதம் மூன்றாவது வாரத்தில் தொடங்க இருப்பதாக தகவல் வெளியாகியுள்ளது. மே மாதம் இரண்டாவது வாரம் அஜித் சென்னை திரும்ப இருப்பதாகவும் அதன் பின் இந்த படத்தின் படப்பிடிப்பு தொடங்கும் என்றும் கூறப்படுகிறது.

மேலும் இந்த படத்தின் மொத்த படப்பிடிப்பை 70 நாட்களில் முடிக்க மகிழ் திருமேனி திட்டமிட்டுள்ளதாகவும், அஜித் தனது காட்சிகளின் படப்பிடிப்பிற்காக 40 நாட்கள் கால்ஷீட் கொடுத்திருப்பதாகவும் கூறப்படுகிறது.

மேலும் ‘விடாமுயற்சி’ படத்தின் நாயகி உட்பட மற்ற நட்சத்திரங்களின் தேர்வு முடிந்து விட்டதாகவும் விரைவில் இது குறித்த ஆச்சரியமான அறிவிப்பு வெளியாகும் என்றும் கூறப்படுகிறது. மேலும் இந்த படத்தின் பாடல் கம்போஸ் பணியை அனிருத் தொடங்கி விட்டதாகவும் கூறப்படுகிறது.

மொத்தத்தில் அஜித்தின் ‘விடாமுயற்சி’ திரைப்படம் இந்த ஆண்டு இறுதியில் வெளியாக வாய்ப்பிருப்பதாக கூறப்படுவதால் அஜித் ரசிகர்கள் உற்சாகத்தில் உள்ளனர்.